陳漢記 (已結業)

夜媽媽係大埔想食宵夜，衣間粥舖相信好多大埔人都識，d粥夠大碗，價錢合理，而且選擇非常多，就算係粥同腸粉都好多款，夜晚仲有煲仔飯。是日叫左生滾鮮魚片粥，一碟牛肉腸粉同一條油炸鬼。腸粉好滑，都幾多牛肉，配埋個豉油好正。仲要有三大條，女仔一定食唔晒。油炸鬼外脆內軟，我就鐘意浸落個粥到一齊食，好好果。個粥睇相都見到好大碗，一個女仔應該淨係食碗粥都飽，好多魚，係咁食都仲有，個粥好有魚味，一食就知真係生滾，好香。