爽爽麵店 (已搬遷) 新店位置

入黎元朗food hunt，尾站點都要食佢個醉雞😍原來佢呢度有幾間房仔，就咁觀察坐會舒服d，但就用外賣碗上。份量其實都幾多下，可能食左半個包啦。豬扒實在太家庭式，無任何鬆肉粉或者拿過塊扒，稍為醃過就煎香佢，其實唔值得跨臨區入黎食。而新鮮醉雞酒味幾濃下，配米粉食會岩岩好，而且雞夠滑同埋有雞味(好廢...)，令人有衝動買半隻番去加餸，再加上有幾件腎係底比人食，仲要爽口😊而個辣椒醬食到多幾啖就有d嗆鼻，太多磨碎左既粉粒(辣椒呀，蒜蓉)令到個感覺唔多舒服，淺嘗一口既話不失一個唔錯既辣椒醬。