南北小廚

營業中

休息中

假日想去飲茶，西貢又太貴，科大南北就係一個唔錯嘅選擇。啲茶唔澀，幾好。一行五個人，都嗌左唔少點心食。乾炒牛河都幾多牛肉，河粉炒得乾身，唔似得出面茶餐廳，得又少又幼嘅牛肉絲。但略嫌油，如果可以落少d油，健康d就更佳。燒賣都好抵食夾大件，落足料，而且呢到嘅大點都係十幾蚊，對比起出面廿幾蚊真係抵食好多！牛肉球、蝦餃同鳳爪都不過不失。另外，鳳爪排骨飯都好足料其他點心都同出面酒樓差不多質素，唯獨價錢的確較實惠。因為我地黎得早，所以唔洗等位，但去到一點幾個時見到陸陸續續有教授同學生黎飲茶，到我地埋單個時已經有好多人係出面等位，所以要及早到啊