影片
更多
2018-07-19
179 瀏覽
帶女朋友見媽咪，老一輩既人係飲食方面都比較傳統。靈機一觸之下帶媽咪去利舞台既利寶閣食飯！加上媽咪同我一樣都係無飯不歡，所以去中餐就最好不過！人齊就去到目的地。環境優雅清靜，最岩家人聚餐。門面裝潢高尚，坐位舒適乾淨。坐底後已經有部長準備好餐牌比我同家人睇，極快速度就開埋茶，神速！睇下一陣餐牌，以下就係今晚食既野！穀飼叉燒蛋套餐 蔗渣價錢，燒鵝享受！一百八十八蚊食到兩個菜式已經唔錯，當中包括穀飼叉燒蛋飯，鮑參佛跳牆，絕對超值！穀飼叉燒蛋飯 以大紅雞碗公呈上，符合叉燒飯既性質，價廉物美既美食，外賣加分！叉燒爽口，切口一致。肥瘦分明，蜜汁甜度岩岩好，唔太油膩！飯量足夠二人食用，煎蛋外皮脆口。半生熟蛋既蛋黃最岩拌飯，整體黎講算高水準！鮑參佛跳牆 足料！當中包括海參，白花膠，金華火腿，鮑魚，豬肉。以一個小燉盅呈上，打開時熱度十足！白花膠爽口，海參係刺參，食落口稔滑。味道方面，絕對唔係死鹹味！呢點做得比其他同行出色，食到其他燉料既味道。湯汁帶有稠性，都係白花膠既功勞。可以用精品黎形容，大家不妨一試！碧綠炒班球 份量例牌，足夠四人用。西芹經過飛水處理，但不失爽度，色澤脆綠，咬落口唔會帶有草腥味。班
穀飼叉燒蛋套餐 蔗渣價錢，燒鵝享受！一百八十八蚊食到兩個菜式已經唔錯，當中包括穀飼叉燒蛋飯，鮑參佛跳牆，絕對超值！
穀飼叉燒蛋飯
以大紅雞碗公呈上，符合叉燒飯既性質，價廉物美既美食，外賣加分！叉燒爽口，切口一致。肥瘦分明，蜜汁甜度岩岩好，唔太油膩！飯量足夠二人食用，煎蛋外皮脆口。半生熟蛋既蛋黃最岩拌飯，整體黎講算高水準！
鮑參佛跳牆
足料！當中包括海參，白花膠，金華火腿，鮑魚，豬肉。以一個小燉盅呈上，打開時熱度十足！白花膠爽口，海參係刺參，食落口稔滑。味道方面，絕對唔係死鹹味！呢點做得比其他同行出色，食到其他燉料既味道。湯汁帶有稠性，都係白花膠既功勞。可以用精品黎形容，大家不妨一試！
碧綠炒班球
份量例牌，足夠四人用。西芹經過飛水處理，但不失爽度，色澤脆綠，咬落口唔會帶有草腥味。班球係新鮮海魚貨，絕對唔係養魚。食落口係食到海魚既味道。整體唔油膩，班球份量都不輸西芹。再配紅椒裝飾，增加菜式色彩對比感！
竹笙珍菌燴上素
所謂燴既意思，即係將素菜混在一起加湯汁煮。都幾考師傅技巧。不過呢間中菜師傅相當老練。可以將竹笙，牛肚菌，粟米芯，西蘭花，木耳，素鮑片呢幾種烹調時間唔一致既材料一拼煮成，所以落料既先後次序唔可以錯，當然食到竹笙，牛肚菌既稔滑，其他素菜既爽脆，再配以素蠔油混合煮成。果然冇失望！因為未煮熟既竹笙會似食緊洗衫網咁，係相當難入口。唯一有少少唔完美既地方就係西蘭花有少少焦味，不過整體都非常好食！
花開富貴
個名相當吸引，優雅，所以就點黎試下。上菜黎賣相果然符合菜名！創作呢個菜式既師傅相當聰明。以漳州大雪耳為花，木耳為花底部，小唐菜為葉，再配以蕃茄片，整個菜式舖排正正想帶出一枝正盛開既菊花。賣相絕對滿分，更一改中菜比人有炒埋一碟既形象，為中菜爭一口氣！味道方面，雪耳爽滑，吸哂湯汁。証明烹調時間相當足夠，木耳如是。再配以魚湯煮成，湯汁跟蔬菜味道配合，唔會單調乏味！
銀芽肉絲雙麵黃
呢個菜式又係麻煩習作，原因唔係在於肉絲，係在於麵底。因為麵底做到脆口係有一定難度，太猛火既時候，麵身會燒焦。太細火，會導致麵身水份未抽乾，難以入口。當然一間高質既食府又點會比一個雙麵黃難到呢～呈上既時候已經聞到好香既烘乾麵味，令人食指大動！麵身薄而脆，不油膩，唔想食到成口油。值得一讚地方，莢汁，浙江紅醋分開呈上，做法相當高明，一來可以等客人自行決定加芡汁一拼食用，二來可以減少麵身回軟時間，芡汁不鹹，偏淡味，加分！肉絲份量足夠銀芽爽脆，唔會煮過時間！相當好味
紅棗茶
飯後解膩甜湯，紅棗採用無核紅棗，肇實，再配以冰糖燉製以成。味道清甜，唔會有愈飲愈甜既感覺！紅棗冇酸味，值得一讚！
整體而言，不論上菜速度，服務態度都十分高水準，如同上賓。三不五時更幫我地排盤，等我地方便夾野食，態度好到我都有少少唔好意思！再一次多謝招待過我同我家人既服務人員，你地既殷勤服務令我對利寶閣既印象更加深刻～下次會再去光顧！
張貼
