影片
更多
2018-08-22
71 瀏覽
自從搬咗出嚟住之後，就冇乜點見爸爸媽媽，偶爾一星期一日會返屋企食下飯👨🏻🧑🏻 見下佢哋老人家，又比佢哋見下我😍 前日星期日放假，咁啱爸爸又放假，我就決定唔使媽媽咁辛苦，出街食‼️ 之前出街食都係去酒樓，今次媽媽嘅提議都唔例外，又食酒樓！我就先下手為強，同佢地講話我帶佢哋去食潮流興既野🤣 等埋妹妹同細佬，大概六點幾，就去咗大角咀好出名嘅前家樂😍啱啱到，就已經見到都見到客人😱 已經聞到好香嘅雞煲味！呢度嘅醉雞煲好出名，我諗暫時都搵唔到第二間好食過佢🧐雖然媽媽有啲反對，但係知道醉雞煲嘅湯底有中藥既味，就改口好好好🤣 我哋另外叫咗雪花肥牛x2(真係好食)，蔬菜盆，芝士牛丸，麵同烏冬😂 眼利嘅妹妹見到牆上面有活動：做齊五個步驟就有免費可樂飲😍 我哋就好雀躍咁樣研究~ 呢度嘅服務員唔多，聽講係家族生意，慢工出細貨，造就咗我哋一家人多咗傾計嘅時間🤣✌🏻先來嘅係雞煲湯，店員幫我地煲熱佢，再黎就見到一大盤生雞🤔 已經聞到好香嘅酒味😋 等到湯滾左，我哋就慢慢放啲雞落去煮😍 其他餸亦都係呢個時候陸續登場👍🏻 等咗大概10分鐘，雞煲食得啦😍 媽媽忍唔住先飲下啲湯，跟住忍唔住話好好味，話真係有中藥感覺，然後就講
前日星期日放假，咁啱爸爸又放假，我就決定唔使媽媽咁辛苦，出街食‼️ 之前出街食都係去酒樓，今次媽媽嘅提議都唔例外，又食酒樓！我就先下手為強，同佢地講話我帶佢哋去食潮流興既野🤣 等埋妹妹同細佬，大概六點幾，就去咗大角咀好出名嘅前家樂😍
啱啱到，就已經見到都見到客人😱 已經聞到好香嘅雞煲味！呢度嘅醉雞煲好出名，我諗暫時都搵唔到第二間好食過佢🧐雖然媽媽有啲反對，但係知道醉雞煲嘅湯底有中藥既味，就改口好好好🤣 我哋另外叫咗雪花肥牛x2(真係好食)，蔬菜盆，芝士牛丸，麵同烏冬😂
眼利嘅妹妹見到牆上面有活動：做齊五個步驟就有免費可樂飲😍 我哋就好雀躍咁樣研究~ 呢度嘅服務員唔多，聽講係家族生意，慢工出細貨，造就咗我哋一家人多咗傾計嘅時間🤣✌🏻
先來嘅係雞煲湯，店員幫我地煲熱佢，再黎就見到一大盤生雞🤔 已經聞到好香嘅酒味😋 等到湯滾左，我哋就慢慢放啲雞落去煮😍 其他餸亦都係呢個時候陸續登場👍🏻 等咗大概10分鐘，雞煲食得啦😍 媽媽忍唔住先飲下啲湯，跟住忍唔住話好好味，話真係有中藥感覺，然後就講一大堆材料😂😅 我哋就冇理佢，係咁食雞～ 原本以為醉雞會有少少酒，點知原來煲完之後，冇咗好攻鼻嘅酒味😱👍🏻 真係好surprise!!! 佢用嘅雞好嫩口😍 煲幾耐都唔鞋身，正👍🏻
最好食就係雪花肥牛，因為整得好薄，所以一放入雞煲就已經熟左一半😍 正👍🏻 放落口入口即溶，我見爸爸同細佬係咁食係咁食，好滾動～ 至於芝士牛丸，好有創意🤣 咬開煮熟左嘅牛丸，啲芝士即刻流岀黎😱仲係拉絲嘅芝士，好有口感👍🏻
整體來講，我都幾滿意今次出街食😍 好彩呢間雞煲坐得幾舒服，又唔會好嘈，可以傾吓計！雖然要等耐少少，但係我屋企人都好滿意環境，服務態度同食物質素，尤其是第一次食醉雞煲有好回憶😍 大家都食到好飽一齊散步返屋企！咁先係真正嘅家庭樂❤️
張貼
