影片
更多
2017-11-02
324 瀏覽
假日到灣仔區探望長輩，指定動作︰之後一齊食晚飯，而且一定要食中菜! 佢地揀左勝記酒家，話經常嚟飲午茶，而且新張酬賓，晚飯全單有九折。三個人叫左幾樣嘢食，全部都係長輩揀，佢地鍾意濃味，OK，我聽候安排~【胡椒豬肚湯$108】好大碗，一人都有兩至三碗。睇顏色就已經知道好夠味，鹹菜、支竹、豬肚份量都好多，仲大大件，鹹菜啲鹹味都滾晒去個湯度。但胡椒味略嫌唔多夠，可以再落多啲，會更好味。湯入面冇白果，但加左唔少青芹，添一份芳香風味，唔錯。【椒鹽豆腐粒＄48】雖然係小食，但份量好多，外皮炸得薄脆，豆腐仍然保持嫩滑，有濃郁豆香。【懷舊醬烤豬半隻＄198】呢度嘅招牌菜，做特價，我見枱枱都有叫，一隻先係$368，我哋叫左半隻。豬係BB豬，睇個頭就知佢好細隻。外皮烤到超脆，入口鬆化，色澤均勻。裏面肉質嫩滑，滿滿油脂。【椒鹽鮮魷＄118】一上枱就聞到好香，大家都好快咁夾嚟食。炸得好乾身，食完個碟底都冇乜油。鮮魷魚用椒鹽炮製，仲加左粒粒蒜粒，好惹味，送飯一流。【濃湯海皇雜菜煲＄108】一大鍋，全晚最清淡嘅一道菜，但佢係「濃湯」! 濃底有啲魚味同海鮮味，呈奶白色，好好飲。海鮮有蝦、魷魚，魚塊幾大幾滑。雜菜好多款
【胡椒豬肚湯$108】好大碗，一人都有兩至三碗。睇顏色就已經知道好夠味，鹹菜、支竹、豬肚份量都好多，仲大大件，鹹菜啲鹹味都滾晒去個湯度。但胡椒味略嫌唔多夠，可以再落多啲，會更好味。
湯入面冇白果，但加左唔少青芹，添一份芳香風味，唔錯。
【椒鹽豆腐粒＄48】雖然係小食，但份量好多，外皮炸得薄脆，豆腐仍然保持嫩滑，有濃郁豆香。
【懷舊醬烤豬半隻＄198】呢度嘅招牌菜，做特價，我見枱枱都有叫，一隻先係$368，我哋叫左半隻。
豬係BB豬，睇個頭就知佢好細隻。外皮烤到超脆，入口鬆化，色澤均勻。裏面肉質嫩滑，滿滿油脂。
【椒鹽鮮魷＄118】一上枱就聞到好香，大家都好快咁夾嚟食。炸得好乾身，食完個碟底都冇乜油。鮮魷魚用椒鹽炮製，仲加左粒粒蒜粒，好惹味，送飯一流。
【濃湯海皇雜菜煲＄108】一大鍋，全晚最清淡嘅一道菜，但佢係「濃湯」! 濃底有啲魚味同海鮮味，呈奶白色，好好飲。海鮮有蝦、魷魚，魚塊幾大幾滑。雜菜好多款，有西蘭花、生菜、菜心、芥蘭、小棠菜，加埋粉絲同菇類，好豐富。
【西米紅豆沙】免費送，一人一碗。只有一款甜品，冇得選擇。雖然係送，但都用料足，每碗都有好多紅豆同西米，唔會太甜!
簡簡單單家庭聚餐，呢度冇限時最啱。食物份量夠多，價格合理。
張貼
