影片
更多
2023-10-10
7035 瀏覽
哥哥由愛爾蘭遠到回港，當然要帶佢食返餐正宗粵菜，就揀咗厚德飯店。前菜就點咗醒胃花甲，花甲好鮮甜，配上酸酸地嘅汁，真係好開胃。川味花膠，苦瓜煮到一啲都唔苦，而家苦瓜爽口，花膠又稔，連我侄囡呢啲鬼妹仔都話好食。碧綠炒東星班球，班球肉滑魚味十足，連帶配菜黃椒、西芹都咁清甜爽口。薑蔥炆班翅，一上枱已經非常香，忍唔住第一時間就食，班翅煲炆得好乾身，班翅食落超香脆又惹味，最啱一路食一路飲酒。龍蝦泡飯睇落平平無奇，但食落有好濃嘅龍蝦鮮味，再加入附送嘅炸貴妃米粒之後，口感層次梗加豐富。炒龍蝦球煎米粉底，龍蝦肉質新鮮彈牙，配米粉底我都係第一次試，米粉兩面煎到好香脆，原來比配伊麵梗加好食。青欖瘦肉燉螺頭湯，天氣開始入秋要滋潤下，螺頭好鮮好香，加上瘦肉甜味，真係好好飲，大家都忍唔住飲多碗。哥哥話回港第一餐就食到咁高質嘅粵菜，坐咁耐飛機都值得。
前菜就點咗醒胃花甲，花甲好鮮甜，配上酸酸地嘅汁，真係好開胃。
川味花膠，苦瓜煮到一啲都唔苦，而家苦瓜爽口，花膠又稔，連我侄囡呢啲鬼妹仔都話好食。
碧綠炒東星班球，班球肉滑魚味十足，連帶配菜黃椒、西芹都咁清甜爽口。
薑蔥炆班翅，一上枱已經非常香，忍唔住第一時間就食，班翅煲炆得好乾身，班翅食落超香脆又惹味，最啱一路食一路飲酒。
龍蝦泡飯睇落平平無奇，但食落有好濃嘅龍蝦鮮味，再加入附送嘅炸貴妃米粒之後，口感層次梗加豐富。
炒龍蝦球煎米粉底，龍蝦肉質新鮮彈牙，配米粉底我都係第一次試，米粉兩面煎到好香脆，原來比配伊麵梗加好食。
青欖瘦肉燉螺頭湯，天氣開始入秋要滋潤下，螺頭好鮮好香，加上瘦肉甜味，真係好好飲，大家都忍唔住飲多碗。
哥哥話回港第一餐就食到咁高質嘅粵菜，坐咁耐飛機都值得。
178 瀏覽
0 讚好
0 留言
張貼
