沙田新強記燒鵝海鮮酒家

營業中

休息中

拜年都冇咁齊人，今晚成個家族飲茶，好耐冇嚟過呢一間酒家食嘢，之前都多數係嚟食晚飯，今次你飲茶，又覺得幾有驚喜。我覺得佢係偏向舊茶樓嘅風味，點解咁講呢？又蒸蘿蔔糕、雞絲粉卷、千層糕同埋芝麻卷。都係舊式嘅做法，芝麻卷仲癲到係啱啱蒸完之後有水出嘅。賣相係搞笑啲，但係真心好食。同埋好少中午打口都有粥食，仲要個粥底都綿綿地，唔好理佢點整，但係佢就整到好似煲咗好耐嘅感覺。遜色少少就個燒腩卷啲柱侯醬味太濃，同埋最後叫咗個黃沙燒賣，個豬潤嚡過沙紙。另外值得讚係個燒鵝，食得出個肉係有層次嘅香味，同出面嗰啲燒鵝真係食得出個分別。同埋隻鵝都唔算太肥比例適中，我覺得可以多啲嚟飲吓茶都唔錯，唯獨係冷氣唔係好夠開咗吹風機都有少少熱。