椰粉湯紅 (已結業)

好耐冇食過住家飯，收工約朋友嚟試吓呢間係灣仔大馬路隔離，裝修簡約，又有湯飲嘅餐廳是日食療拿杯湯有淮山赤小豆扁豆湯，暖粒粒，湯入面飲到粒粒豆粉嘅口感，而且冇味精又唔鹹，真係好似屋企飲到嘅湯咁樣。野飲有熱情豐盛（熱情果、杞子、青檸），好清新又開胃。主菜叫咗首創竹絲海南雞夜香飯套餐，同日式胡麻醬手撕雞冷麵，再加個王牌菜心苗。個首創竹絲海南雞夜香飯有驚喜，用竹絲雞嚟整海南雞飯都係第一次聽，竹絲雞仲整得好滑，夜香飯唔係入返口感好清新得來又夠味。日式胡麻醬手撕雞冷麵嘅雞都係好滑唔鞋口，麻醬唔會太甜或者太多，配料都俾得好足，唔錯！總括來講，呢餐真係冇得彈，佢完全有屋企煮出嚟嘅感覺，但價錢都唔會好貴，我一定會再返嚟幫襯！