家賀屋

位於銅鑼灣嘅 家賀屋，地點相當就腳，裝修簡潔乾淨，地方闊落，店員有禮，整齊一入門口嘅觀感相當好。店鋪為慶祝15週年紀念，灣仔與銅鑼灣店做緊生啤🍺，黑生啤🍺同黑白啤🍺半價優惠。伊勢龍蝦、原隻北海道象拔蚌刺身都做半價優惠。食日菜我最鍾意order蟹籽沙律作前菜，先打開個胃口先🤗。🥢再黎一盤刺身：油甘魚、鮪魚腩、帆立貝、磯煮小鮑魚；油甘魚同鮪魚腩，厚切嘅刺身，不但口感一流，入口油花飽滿，近乎入口即溶，非常滿足😋，帆立貝肥美鮮甜，口感柔軟黏滑；磯煮鮑魚，鮑魚質感軟硬適中，有咬勁，同時又不失軟滑，味道濃郁，口感豐富。🥢鹽燒仙台熟成牛舌芯，呢個部位係整條牛舌最軟嫩位置，牛舌芯非常肥厚，將熟成後厚切燒烤，牛舌內部呈粉紅色，入口油脂即化十分香濃，口感非常嫩帶點嚼勁，肉質保持軟嫩多汁。🦪豐州直送-令和之怪物蠔，有岩蠔嫩滑鮮甜，肉質非常爽口，真蠔的濃厚蠔味溢滿口中，落幾滴新鮮檸檬汁，更能突顯生蠔本身的甘甜味。🍣黑松露煙薰帆立貝，🍣柚子風手切本鮪魚腩蓉，食材新鮮，擺盤精緻；帆立貝滿滿松露香氣，味道突出；鮪魚腩蓉順滑甘香，兩者都非常新鮮可口。🍡免治雞軟骨棒，呢個係串燒必點，雞軟骨入口迫迫卜卜，口感一流，蘸點蛋