泰味村新恆福餐廳菜館 (已結業)

住在屯門好多年，一直知有泰味村呢間店，以為只係有泰國嘢食，同我住嗰度唔係太近，所以都冇試過，直到今次有個朋友約咗去呢間餐廳，食完先知原來有好多小菜可以揀而且係家鄉特色嘅菜。最特別係呢一碟家鄉豆鼓碌鵝！老闆話佢一日淨係做兩隻賣晒就冇㗎啦。鵝肉又肥又厚，豆豉香又野味最啱配白飯！香港依家好少地方有呢啲家鄉風味嘅鵝食啦！呢碟南乳骨炒得很乾身，豬肉入晒南乳味而且肥肉本身的肥油都出晒來，食落肥瘦適中，唔會話好油膩！小炒王配料多多！！超級多料！魚平、蝦平、腰果、蜆肉...多到筷子都夾唔晒要用匙羹！爽脆的配料要夠鑊氣先炒得出！估唔到餐廳咁多元化，泰國菜，家鄉菜樣樣齊！