鐵板 (已結業)

前晚朋友請食飯，之前去左apm N次都未試過，咁本住唔駛自己俾錢既心態，就一於做晚白老鼠啦！嗰時已經7點幾，完全唔駛等位，而餐廳只係得幾枱坐左人，我地叫左以下食物：1. 三文魚刺身(無甚特別)2. 清酒煮東風螺(真係好清酒，無乜酒味，東風螺有少許沙)3. 軟殼蟹卷(隻蟹唔熱，唔得)4. 煎蟹肉餅伴薯仔(都幾多蟹肉，但又係唔夠熱，啲薯仔勁乾)5. 厚燒魷魚帶子燒餅(又係唔夠熱，睇下圖都可以見到個燒餅真係好厚，中間好似唔係咁熟，不過加左啲長芋，感覺幾特别)不過環境對於我地兩個喺度傾計既人就尚可接受，幾夠靜，但個侍應成日走埋黎加水，又扮晒傻走埋黎問啲食物到齊未，但到最尾埋單就反而叫幾次先到囉！