影片
更多
2022-12-08
144 瀏覽
位置其實真係地鐵站隔離不過少啲行呢邊，入到餐廳真係好似去左第二個地方咁，裝修好靚而且有心機設計，有中式既底蘊又唔會老土，食飯時整體環境都好舒服。蝦子冬菇燒豆腐好有鑊氣而且入哂味，豆腐夠香又幼滑，冬菇炆到淋哂但都保持口感。味道香濃又唔咸！咸鮮絲苗侍應見到我地食緊豆腐就叫廚房出埋個飯，好細心！有咸肉同菜粒既炒飯粒粒分明，真係食到咸鮮既風味。侍應亦會幫我地分飯，服務好好！灌湯小籠包湯汁滿瀉咁滯而且侍應都係會幫手分，唔怕自己整穿皮。味道都正常但湯汁真係好多，食落成個口都係，好滿足！紅油抄手辣同酸都有但又唔會過份搶味，平衡得幾好而且皮薄又索汁，好耐都冇食過咁高質既紅油抄手。合桃露湯圓甜品方面合桃露好濃郁而偏向流質既質感唔會食到好漏，芝麻湯圓亦都有流沙既效果。整體環境，食物同服務都係一流，好耐未試過一餐咁滿足既中菜，呢個價錢其實好抵食！
蝦子冬菇燒豆腐
好有鑊氣而且入哂味，豆腐夠香又幼滑，冬菇炆到淋哂但都保持口感。味道香濃又唔咸！
咸鮮絲苗
侍應見到我地食緊豆腐就叫廚房出埋個飯，好細心！有咸肉同菜粒既炒飯粒粒分明，真係食到咸鮮既風味。侍應亦會幫我地分飯，服務好好！
灌湯小籠包
湯汁滿瀉咁滯而且侍應都係會幫手分，唔怕自己整穿皮。味道都正常但湯汁真係好多，食落成個口都係，好滿足！
紅油抄手
辣同酸都有但又唔會過份搶味，平衡得幾好而且皮薄又索汁，好耐都冇食過咁高質既紅油抄手。
合桃露湯圓
甜品方面合桃露好濃郁而偏向流質既質感唔會食到好漏，芝麻湯圓亦都有流沙既效果。
整體環境，食物同服務都係一流，好耐未試過一餐咁滿足既中菜，呢個價錢其實好抵食！
張貼
