影片
更多
2020-07-19
2634 瀏覽
幾個星期前，住上環嘅大伯話要請我食生日飯，叫咗我去富臨飯店食飯。其實之前都有去過飲過茶，都覺得好好味，但無認真食過飯，所以都有啲緊張。前菜上枱四小碟，菜式唔錯，魚餅同埋嗰鴨舌都做得幾出色。個燉湯完全係老火湯，非常出味，用料十足，飲完全身都暖笠笠。主菜溏心鮑扣鵝掌，鮑魚做得好彈牙，有口感，鮑魚中間依然煙靭，用刀一切就可以切開，鵝掌入味，加上鮑汁整體非常美味。糯米釀雞中翼，手工繁複，米吸收了雞皮油香，非常可口而皮非常香脆，生熟剛好。最後上的炒飯亦非常香口,有蛋香及有鑊氣，廚師功架盡顯。甜品仲有好多懷舊酒樓甜品，有我最愛的芝麻卷，都好少見到嘅點心。講真價錢絕對不便宜，但係覺得物有所值，因為今晚唔使我自己買單！
個燉湯完全係老火湯，非常出味，用料十足，飲完全身都暖笠笠。
主菜溏心鮑扣鵝掌，鮑魚做得好彈牙，有口感，鮑魚中間依然煙靭，用刀一切就可以切開，鵝掌入味，加上鮑汁整體非常美味。
糯米釀雞中翼，手工繁複，米吸收了雞皮油香，非常可口而皮非常香脆，生熟剛好。
最後上的炒飯亦非常香口,有蛋香及有鑊氣，廚師功架盡顯。
甜品仲有好多懷舊酒樓甜品，有我最愛的芝麻卷，都好少見到嘅點心。
講真價錢絕對不便宜，但係覺得物有所值，因為今晚唔使我自己買單！
張貼
