影片
更多
2018-01-18
1708 瀏覽
記得自己第一次食的廚師發辦就係鮨文，當時師傅既講解以及食材既鮮味真係吸引到我呢個初哥既心同眼睛，整晚學到好多壽司及不同刺身既知識，我想喜歡日本嘢既人都吾會抵擋到呢種魅力！今次再去鮨文事緣係朋友既生日，所以特別食得奢華是常識啦！去到同在座既客人一樣都係一致$1850既價錢，內容十分豐富啊，睇餐單就知道！為我地安排食物既師傅講解十分詳盡，今次真的像上了一課一樣！先係奉上漬物，有鮮淮山用上wasabi醃漬，好特別！仲有醃蘿蔔，兩者都帶爽口，作一個開始！之後侍應就奉上茶碗蒸，面頭有金箔，下面係一絲絲蟹肉作的羹，再勺就會發現滑滑的蒸蛋，內裡仲有粒粒瑤柱粒，有咸香既味道！開場既刺身係鱸魚，白身魚比人感覺比較清淡，但師傅教落係要愈嚼，魚味會愈出！即場學以致用，才覺得無白浪費鱸魚為我地既犧牲lol鰤魚兩食，有兩種食法及不同部位，其中一款係腩位炙燒過，可配wasabi一齊食，但我就喜歡單食，感受腩位既魚油香另外一款就係柚子味，微絲血管多啲比較紅嫩，配上柚子有一種清新既感覺！仲有時令既毛蟹，師傅已經拆晒肉，可以撈埋啲蟹膏一齊食，或加上醋一齊食，蟹肉一絲絲好甜啊！厚厚一塊中toro，師傅已經搽上豉油調味，所
今次再去鮨文事緣係朋友既生日，所以特別食得奢華是常識啦！去到同在座既客人一樣都係一致$1850既價錢，內容十分豐富啊，睇餐單就知道！為我地安排食物既師傅講解十分詳盡，今次真的像上了一課一樣！
先係奉上漬物，有鮮淮山用上wasabi醃漬，好特別！仲有醃蘿蔔，兩者都帶爽口，作一個開始！
之後侍應就奉上茶碗蒸，面頭有金箔，下面係一絲絲蟹肉作的羹，再勺就會發現滑滑的蒸蛋，內裡仲有粒粒瑤柱粒，有咸香既味道！
開場既刺身係鱸魚，白身魚比人感覺比較清淡，但師傅教落係要愈嚼，魚味會愈出！
即場學以致用，才覺得無白浪費鱸魚為我地既犧牲lol鰤魚兩食，有兩種食法及不同部位，其中一款係腩位炙燒過，可配wasabi一齊食，但我就喜歡單食，感受腩位既魚油香
另外一款就係柚子味，微絲血管多啲比較紅嫩，配上柚子有一種清新既感覺！
仲有時令既毛蟹，師傅已經拆晒肉，可以撈埋啲蟹膏一齊食，或加上醋一齊食，蟹肉一絲絲好甜啊！
厚厚一塊中toro，師傅已經搽上豉油調味，所以已經吾需要其他既調味了，直接擺入口，好豐腴既口感，幸福！
之後侍應奉上燒物—花魚，魚肉帶微咸，魚皮薄脆！側邊南瓜完全煮腍，十分甜！仲可以加入啲蘿蔔蓉一齊食！
接住係超級邪惡又無法抵擋既O toro，炙燒後表面少少焦香，擺入口即溶！
跟住係白子，微微炙燒後更creamy！
岩手蠔size不欺場，味道鮮甜，礦物味吾重，好岩我口味，下面有酸酸地既海帶，師傅仲話食完可以降膽固醇，我地即刻毫不猶豫食晒！
針魚，面頭係紫菜！
北寄貝，拍打後爽身，好鮮甜！
金目鯛，面頭有俄羅斯caviar，係口腔充滿魚香及魚子既海水咸味
跟住係鮨文其中一個招牌，鮑魚好爽彈，味道剛好！側邊既肝醬可以撈壽司飯食，係十級滿足！
不少得三文魚子，漬得剛好，吾會太咸，一咬爆開有鮮甜味留於口腔！
今次甘岩遇到佢地係築地拍賣番泥既海膽，可以選海膽杯或試下佢地拍賣番泥既兩款海膽！
我就揀左後者，一隻係木村，一隻係川村
我鐘意川村，甜味會出啲，又好creamy！
木村就比較濃郁～
食完壽司可以先飲魚湯，熬至奶白既魚湯飲落去係滿滿魚既鮮甜！仲有一塊魚片好彈牙！
仲有蔥吞拿魚手卷，見住師傅整蔥吞拿魚碎，加入左炙燒魚皮既魚油，令我更期待！仲撈左啲蘿蔔粒增加口感，係驚喜之作！
最後食埋唧左威士忌既密瓜就係完美ending，密瓜熟透，好香甜！再訪鮨文真係好值得，每一道刺身壽司燒物手卷等等都十分出色！
張貼
