自家點心 (已結業)

今天同家人行花墟,行完當然耍找地方去醫肚. 後來見到間新的點心店,來個一盅兩件都唔錯.進入舖內發現裡面面積不大,只有十張檯左右,但環境清潔,冷氣亦ok.這裡無得選開甚麼茶,但每位茶錢只收$2都抵啦! 睇佢舖仔細細,原來都有超過35款以上的點心選擇,真係拍得住大酒樓.哈哈!後來被我發現雪山叉燒飽,蝦餃和燒賣都可以2隻起叫,方便喜歡淺嚐同細食的人.雪山包 ~ 叉燒軟軟的, 內裡夠熱,好味!懷舊雞球大包! 不但令我有一份童年回憶,而且有出乎意料驚喜 (包內真材實料有雞肉,火腿,菜,菇,蛋黃.......),而且只係$13超抵!不過奉勸1至2人就唔好試,因為好飽肚!脆米炸蝦腸 ~ 好脆! 蝦亦新鮮,不妨一試!沙爹蒸土魷 ~ 沙爹味幾香, 土魷夠臨!不過值得一贊,墊底用了烏冬,D味都幾夾喎!甜品方便:香芒糯米糍 唔太甜, 夠凍,ok!總結食咗8款點心,大約$120可以落樓,係今時今日都算抵啦!