影片
更多
2008-08-23
12 瀏覽
阿爸約左幾個朋友同細佬食飯當慶祝生日, 原定去始創海港, 但因太多人而黎左呢間. 我初時見要落地牢, 八十年代裝修, 樓梯口更有三個新鮮大魚頭, 俾佢嚇親! 坐低就話冬瓜盅買哂, 我地唯有叫咸豬骨胡椒芥菜煲, 再點幾個菜, 心諗呢間都係普通料姐, 求其啦!此時隔離枱有餸上, 嘩, 啲香味攻到埋黎, 估唔到個廚房咁夠鑊氣, 拍得住以前啲大排檔! 咸豬骨胡椒芥菜煲足料, 陣陣胡椒味的湯水唔會太咸; 爽肉炒芥蘭煲連一個熱辣辣嘅石鍋同鐵鏟一齊上, 俾你親自露兩手炒兩炒; 牛仔骨軟身惹味; 蒜蓉蒸開邊蝦, 底下啲粉絲最正, 索哂兩種味; 豉油王炒麵同薄餐都幾好味; 相對乳鴿同芥蘭苗就失色少少, 流沙包就真係流喇....啲皮....(都唔知點解會叫左兩樣芥蘭)整體唔錯, 值得再黎! 當晚電視屏幕直播緊奧運女排四強戰--中國對巴西, 令餐飯加添幾分刺激!!
此時隔離枱有餸上, 嘩, 啲香味攻到埋黎, 估唔到個廚房咁夠鑊氣, 拍得住以前啲大排檔! 咸豬骨胡椒芥菜煲足料, 陣陣胡椒味的湯水唔會太咸; 爽肉炒芥蘭煲連一個熱辣辣嘅石鍋同鐵鏟一齊上, 俾你親自露兩手炒兩炒; 牛仔骨軟身惹味; 蒜蓉蒸開邊蝦, 底下啲粉絲最正, 索哂兩種味; 豉油王炒麵同薄餐都幾好味; 相對乳鴿同芥蘭苗就失色少少, 流沙包就真係流喇....啲皮....(都唔知點解會叫左兩樣芥蘭)
整體唔錯, 值得再黎! 當晚電視屏幕直播緊奧運女排四強戰--中國對巴西, 令餐飯加添幾分刺激!!
張貼