韓國錦城飯店 (已搬遷) 新店位置

我比較鍾情呢度既海鮮葱 油餅，煎得好香口，大大個百二蚊，夠四條友食，食淨可以打包，返屋企翻煎一樣咁正；燒烤方面祇有牛肋骨同牛肉幾好，其他肉類比較普通；石頭鍋飯，簡單得黎好食，屬於錦城招牌野，亦唔駛多讚；前菜種類多得黎每一種都有各自味道，我見多數都係韓國人黎幫趁，而且所有前菜都掃晒咁滯，我諗都應該好地道掛?門面唔多起眼，裝修好舊式，招呼亦屬一般，畢竟一個老人家（老細）做左咁多年，乜野熱誠冇都冇晒，不過唔算冇人情味，欏多個飯，欏多碗湯亦唔會計落單。