影片
更多
2023-05-18
1354 瀏覽
朋友係沙田新居入伙請客, 揀咗就近一間酒店食dinner buffet, 地點唔近港鐵站, 係沙田圍步行到酒店約十分鐘, 環境清靜。餐廳自助區設於中央地帶, 無論坐咩位置都好方便咁出去拎野食。食物類別分區分明, 有冷盤海鮮區、熟食區、湯品區、沙律區、刺身壽司區、燒物區、甜品區同埋雪糕區等….冷盤海鮮區: 包括有蟹腳、凍蝦、青口、海螺、蜆, 凍蝦爽甜彈牙, 不過蟹腳味道過鹹。湯品區都有三款左右, 其中野菌湯極之討好, 菌味什濃, 每啖都充滿菇菌細粒, 很有層次, encore了好幾碗。熟食區款式多, 其中龍蝦鉗味道不錯, 用上薑蔥炒, 非常惹味。蟹粥金黃足料, 鮮甜味十足, 每啖都食到絲絲蟹肉, 仲有爽口嘅蝦粒。燒物方面, 焗蠔無間斷推出, 配上煙肉洋蔥, 鹹香惹味, 雖然隻蠔肉比較迷你, 但唔會焗到乾身。刺身區由侍應配給, 三文魚有魚香, 甜蝦鮮甜, 希靈魚脆脆鮮甜, 立魚有筋絡嘅爽口。用餐期間店員搖起鐘響, 原來係芝士焗龍蝦新鮮焗起, 通知所有客人排隊去拎, 龍蝦焗至表面金黃芝士, 熱辣辣又散發鹹甜芝士味, 令爽彈龍蝦肉更加提升。 期後龍蝦亦無間斷咁焗起, 不過之後冇通知, 要自行
食物類別分區分明, 有冷盤海鮮區、熟食區、湯品區、沙律區、刺身壽司區、燒物區、甜品區同埋雪糕區等….
冷盤海鮮區: 包括有蟹腳、凍蝦、青口、海螺、蜆, 凍蝦爽甜彈牙, 不過蟹腳味道過鹹。
湯品區都有三款左右, 其中野菌湯極之討好, 菌味什濃, 每啖都充滿菇菌細粒, 很有層次, encore了好幾碗。
熟食區款式多, 其中龍蝦鉗味道不錯, 用上薑蔥炒, 非常惹味。
蟹粥金黃足料, 鮮甜味十足, 每啖都食到絲絲蟹肉, 仲有爽口嘅蝦粒。
燒物方面, 焗蠔無間斷推出, 配上煙肉洋蔥, 鹹香惹味, 雖然隻蠔肉比較迷你, 但唔會焗到乾身。
刺身區由侍應配給, 三文魚有魚香, 甜蝦鮮甜, 希靈魚脆脆鮮甜, 立魚有筋絡嘅爽口。
用餐期間店員搖起鐘響, 原來係芝士焗龍蝦新鮮焗起, 通知所有客人排隊去拎, 龍蝦焗至表面金黃芝士, 熱辣辣又散發鹹甜芝士味, 令爽彈龍蝦肉更加提升。 期後龍蝦亦無間斷咁焗起, 不過之後冇通知, 要自行去巡下。
隔咗陣, 又搖起鐘響兼熄咗部份燈光, 今次推出了一個有A3 size般大嘅火焰蛋糕, 表面係火山形嘅cream, 內層係雲呢拿雪糕, 廚師將酒淋係表面再點火, 藍色火焰係蛋糕表面維持咗一陣子, 滿足大家相機食先, 再進行配給。火光帶走了酒味, cream好香滑, 被燒焦合帶焦香, 內層雪糕入口即溶, 雲呢拿味濃郁。
飲品方面,有四款自己斟嘅飲品。檸檬茶太甜, 需要自己加水沖淡, 而另外三款就淡而無味, 還好仲有罐裝忌廉溝鮮奶同埋紙包茶選擇。
甜品方面, 小甜點款式多而且精緻, 還有一些中式糖水, 例如紅豆沙同埋豆腐花, 豆腐花keep得暖暖地, 滑得入口即化, 很有豆香味。另有雪糕都係任食。
Dinner buffet 9:30清場, 自助區九點就會停止, 由六點食到九點, 都好滿足, 食到飽飽。
張貼
