AMMO

營業中

休息中

【寧靜隱蔽高質餐廳】從來都唔知有間咁別緻咁好服務嘅餐廳喺呢個位，多得朋友介紹，於是相約姊妹一齊食tea。位置喺太古廣場扶手梯直上到法院附近再過馬路。窗旁全是樹木，寧靜優美，令人舒服安然，心境平和。果次去食嘅係Mr. Men & Little Miss主題下午茶，小時候經常將呢款書嘅書脊拼合還原可愛嘅圖案，亦記得整個系列有圍繞唔同情緒嘅書，所以對呢個主題份外親切。花盤形嘅甜品都好可愛，又可以用玻璃瓶內嘅顏色枝吱上唔同口味糖漿，都幾好玩。scones當然有啦。叫左杯熱朱古力，用主題圖案做成嘅朱古力塊放入棉花糖主題圖案杯攪一攪，暖進心中。主題下午茶更送上全新主題杯一隻（不是現場飲用果隻），可以攞返屋企用。