影片
更多
2023-12-26
2537 瀏覽
唔喺「東區人」，所以，甚少話東區一帶，食評更喺廖廖可數，若非今日過嚟太古坊處理點私人事，相信就唔會專誠走過嚟搵食。辦完私人嘢，路經呢間咖啡店環境幾唔錯，又唔喺多人，就嘆咗個晚鳥午餐。吸引我主要喺個環境，呢度最大賣點就喺寬敞，同埋樓底高，一室暖和嘅木系裝修，加上對開一大片落地大玻璃窗，採光度十足之餘，令整個環境空間感更強。此外，仲放置好些植物作點綴，感覺更加舒服，再者，閒日晏晝嚟，客人相對少，倍感寫意。菜式分類為Salad、Sandwich、Toast、Dessert、Special、Burger、Panini、Pasta、Chocolate、Tea、Coffee……等等。而呢度都喺採用二維碼落單，方便快捷，又減少少人為出錯。厚切意大利煙肉卡邦尼意粉 $99本身都幾鍾意食意大利麵，所以，揀咗呢個卡邦尼，卡邦尼般都喺用薄薄哋嘅煙肉條，但呢個就改用厚切，仲要大大粒，鍾意食煙肉嘅朋友就啱晒啦！煙肉鹹香好食，又唔太肥，襯上沾滿忌廉汁，夠咬口嘅意大利麵，真喺簡單得嚟，盡見意式風味。鮮奶咖啡 $43有睇過小弟嘅食評都知，去親咖啡店，嗌鮮奶咖啡喺必然之選。單睇啲拉花已經好有水準，圖案對稱，線紋細緻，最
吸引我主要喺個環境，呢度最大賣點就喺寬敞，同埋樓底高，一室暖和嘅木系裝修，加上對開一大片落地大玻璃窗，採光度十足之餘，令整個環境空間感更強。
此外，仲放置好些植物作點綴，感覺更加舒服，再者，閒日晏晝嚟，客人相對少，倍感寫意。
菜式分類為Salad、Sandwich、Toast、Dessert、Special、Burger、Panini、Pasta、Chocolate、Tea、Coffee……等等。
而呢度都喺採用二維碼落單，方便快捷，又減少少人為出錯。
厚切意大利煙肉卡邦尼意粉 $99本身都幾鍾意食意大利麵，所以，揀咗呢個卡邦尼，卡邦尼般都喺用薄薄哋嘅煙肉條，但呢個就改用厚切，仲要大大粒，鍾意食煙肉嘅朋友就啱晒啦！煙肉鹹香好食，又唔太肥，襯上沾滿忌廉汁，夠咬口嘅意大利麵，真喺簡單得嚟，盡見意式風味。
厚切意大利煙肉卡邦尼意粉
$99
24 瀏覽
0 讚好
0 留言
鮮奶咖啡 $43有睇過小弟嘅食評都知，去親咖啡店，嗌鮮奶咖啡喺必然之選。單睇啲拉花已經好有水準，圖案對稱，線紋細緻，最鍾意喺呢類厚身杯，有手感，又較保溫。而入口除咗醇香之外，有陣陣果仁香，口感有種厚身感，晌完全無攪過之下，每口口感都好平均。
法式西多士配自家制雜莓醬 $56食完個意大利麵，個胃仲有位，見隔離枱客嘅西多士賣相咁靚仔，我都唔執輸，話晒嗌咗杯咖啡，搵個甜品襯埋先。件多士好厚身，煎得好靚仔，灑滿糖霜，一旁淋滿自家制雜莓醬，賣相幾好睇。入口多士充滿蛋香，睇落似喺3層麵包做，中間仲夾有半熟蛋漿，非常有質感，而雜莓醬酸酸甜甜，味道自然，仲混有好多果肉添，正呀，食完超滿足！
食飽無即刻走，因為晌度太舒服，招呼亦唔錯，坐多陣，慢慢嘆埋杯咖啡先。你嘅人生寫唔寫意呢？唔寫意！就不妨獨個兒靜處，嘆杯咖啡啦！
張貼
