影片
更多
2022-05-26
288 瀏覽
星期日都要返工，唯一可以做嘅就係放工食好少少，對自己好啲🥺。我同朋友去咗赫德道搵吓有乜好食，街尾轉角間「Opa Mediterranean Bar and Bistro」好似唔錯，就一於試吓。呢度係酒吧餐廳🍸，燈光色調偏昏暗，唔會太嘈吵，感覺幾寫意。本身八點入座都唔算好多人，但愈夜愈旺場啊！餐廳主打西餐🍽，不過同時亦注入地中海元素，令菜式種類更多元化。佢週末都有提供晚市套餐Dinner Set，定價為$688/二人，老實講唔平，但都算幾多嘢食。意式酥炸魷魚圈Caramari Frito，🦑魷魚炸得好香口，佐酒一流，而且份量頗多的。魷魚嘅酥炸外層脆而不膩，肉質爽口，沾埋他他醬食好正。無花果吞拿魚切片Tuna Tiradito with Fig，🐟呑拿魚片用上刺身級別，厚切之餘，邊圍仲經炙燒過。以無花果調味帶來甜香，但亦有少少辣味。土耳其鷹嘴豆泥Turkish Hummus，🫓鷹嘴豆係中東菜必備嘅食材，豆泥口感綿綿的，並帶點獨特嘅香料味。附送嘅彼得包煙煙韌韌，夾豆泥食好啱Key，但得兩塊唔係好夠喉。地中海烤羊架配希臘乳酪青瓜醬Grilled N.Z Lamb Rack, Tzatziki
星期日都要返工，唯一可以做嘅就係放工食好少少，對自己好啲🥺。我同朋友去咗赫德道搵吓有乜好食，街尾轉角間「Opa Mediterranean Bar and Bistro」好似唔錯，就一於試吓。
呢度係酒吧餐廳🍸，燈光色調偏昏暗，唔會太嘈吵，感覺幾寫意。本身八點入座都唔算好多人，但愈夜愈旺場啊！
餐廳主打西餐🍽，不過同時亦注入地中海元素，令菜式種類更多元化。佢週末都有提供晚市套餐Dinner Set，定價為$688/二人，老實講唔平，但都算幾多嘢食。
Caramari Frito
8 瀏覽
0 讚好
0 留言
Tuna Tiradito with Fig
7 瀏覽
0 讚好
0 留言
Hummus
7 瀏覽
0 讚好
0 留言
地中海烤羊架配希臘乳酪青瓜醬Grilled N.Z Lamb Rack, Tzatziki Sauce(+$25)，肉類主菜要額外加錢。🍗羊架有三件，生熟度燒得啱啱好，羊羶味適中，但就唔算好厚肉。伴旁有少量烤蔬菜同埋希臘乳酪青瓜沙律🥒，青瓜味道清新，微微酸，幾開胃。
西西里檸檬海鮮扁意粉Sicily Seafood Linguine al Limone，🍝扁意粉質感富嚼勁，又掛汁。醬料唔係一般嘅忌廉汁，而係加咗檸檬🍋，所以令佢變得無咁溜。海鮮好足料，有大大隻鮮蝦、三文魚柳、青口同魷魚等，每啖都食到餸。
朱古力心太軟伴雪糕Chocolate Fondant w/ Ice Cream(+$38)，晚餐包甜品，我將其中一份升級為心太軟🍫，感覺唔係好抵，仲貴過轉食扒。不過好在味道唔錯，朱古力味濃郁，中間部份亦夠流心，配埋雪糕，一冷一熱，刺激味蕾。
是日甜品Dessert of the Day係西班牙油炸鬼Churros🇪🇸，兩條細細哋，份量點到即止。Churros滲透出肉桂香，唔太甜，亦無油膉味。
總括嚟講，以酒吧餐廳而言，佢嘅食物絕對係水準之上，整個用餐過程亦令人滿意😁。佢平日有提供午市套餐，有機會都可以嚟試吓～！
張貼
