寬巷子 (已結業)

今日lunch time 來到海港城覓食，碰巧來到寬巷子，被餐廳裝潢深深吸引著，從擺設到設計都帶點古典美，十分有格調。晚上餐廳主打火鍋，而午市除了提供火鍋同時都會提供一系列午市定食。最後選擇了店內招牌的牛魔王濃湯麵和紅燒崩沙腩濃湯麵。午市套餐還可以額外加鴨血豆腐湯或其他燉湯和飲品，性價比較高。牛魔王濃湯麵$198呢個牛魔王濃湯麵包含了大部分既配料，有牛坑腩，崩沙腩，牛肚，牛筋，牛腱等，一口氣品嚐曬，湯底很濃郁，吸取曬牛味，麵質偏向粗身，但很有質感，中式麵條本身浸得湯耐容易會糊，但今次呢款麵條好彈牙，而且唔會糊，十分滿意。紅燒崩沙腩濃湯麵$158另外一個午市定食點了紅燒崩沙腩濃湯麵，崩沙腩係我最鍾意既部位之一，徘徊在脂肪和肉的中間，十分「諗」身，而湯底夠濃郁，令人一試難忘。玫瑰高山清茶飲品方面我額外點了玫瑰高山清茶，本來呢個茶係熱飲，店員很好幫我加了冰，感覺很清新，而且帶點玫瑰馥郁香味，十分滿意。下次去海港城食午餐，十分建議到寬巷子嚐嚐看，性價比高午市定食。