影片
更多
2015-12-17
500 瀏覽
好耐好耐... 懶咗好耐無寫過食評啦, 不過呢段期間我仍然都係不停食, 不停試.... 哈哈哈~今日終於重新振作, 打開我既食評小筆記.... OYE!!!呢日既中午, 有同事要去沙咀道呢頭辦事, 佢仲捉埋我出去陪佢食 lunch!問佢有咩想食, 佢又無心水, 左諗右諗比我諗到呢間... 開咗都有一段時間, 不過一直都未有得閒一試!!小巴去到沙咀道, 一支箭就沖去拎位 (話晒都係 lunch time 嘛, 時間趕迫)果然爆滿!!? 好在等咗都無 2 分鐘, 有位啦!!!!坐低之後, 同事仔洗一洗碗筷, 我就忙住刨張點心紙....剔呀~ 剔呀~ 真係樣樣都想試!! 奈何只有 2 粒人, 而且又唔大食, 唯有飛走D無咁想食既先嚕~以 2 粒人既食量, 其實我地都唔弱架!! 揀咗:- 招牌脆皮蘿蔔腸粉- 欖菜桂林餃- 鐵板黑椒牛仔骨- 鵪鶉蛋燒賣- 煲仔生煎菜肉包- 紫薯荔枝球所有點心都係落單即整, 所以都需要等一等, 不過眼見上菜好快手, 我地等咗幾唔使 10 分鐘就有野食!!(推) 招牌脆皮蘿蔔腸粉: 呢個最快上枱既, 唔好以為佢凍冰冰, 實惻係個心暖凹凹, 腸粉皮仲熱呼呼...腸粉皮
今日終於重新振作, 打開我既食評小筆記.... OYE!!!
呢日既中午, 有同事要去沙咀道呢頭辦事, 佢仲捉埋我出去陪佢食 lunch!
問佢有咩想食, 佢又無心水, 左諗右諗比我諗到呢間... 開咗都有一段時間, 不過一直都未有得閒一試!!
小巴去到沙咀道, 一支箭就沖去拎位 (話晒都係 lunch time 嘛, 時間趕迫)
果然爆滿!!? 好在等咗都無 2 分鐘, 有位啦!!!!
坐低之後, 同事仔洗一洗碗筷, 我就忙住刨張點心紙....
剔呀~ 剔呀~ 真係樣樣都想試!! 奈何只有 2 粒人, 而且又唔大食, 唯有飛走D無咁想食既先嚕~
以 2 粒人既食量, 其實我地都唔弱架!! 揀咗:
- 招牌脆皮蘿蔔腸粉
- 欖菜桂林餃
- 鐵板黑椒牛仔骨
- 鵪鶉蛋燒賣
- 煲仔生煎菜肉包
- 紫薯荔枝球
所有點心都係落單即整, 所以都需要等一等, 不過眼見上菜好快手, 我地等咗幾唔使 10 分鐘就有野食!!
(推) 招牌脆皮蘿蔔腸粉: 呢個最快上枱既, 唔好以為佢凍冰冰, 實惻係個心暖凹凹, 腸粉皮仲熱呼呼...
招牌脆皮蘿蔔腸粉
31 瀏覽
1 讚好
0 留言
薄薄既腸粉皮包住好多唔同既餡, 口感十足, 食落卜卜脆之餘, 仲有香濃蘿蔔條既香甜, 讚!!!!
(推) 紫薯荔枝球: 甜品咁快上枱既??! 哈哈哈, 係!! 不過都無咩所謂, 反正都係食...
紫薯荔枝球
43 瀏覽
2 讚好
0 留言
溫馨提示: 呢個波波裡面堅熱!!!! 所以我放咗好一陣子先動口....
輕輕一咬 (試溫, 未到中心), 清楚食到蕃薯味, 仲有清香既荔枝味!!
初初以為只係味素, 點知再咬一啖到中間, 真係有粒荔枝耶~ (當然無核架啦, 哈哈)
呢個配搭好新鮮, 又好清新, 幾特別感覺唔錯, 讚!
欖菜桂林餃: 外型好似好似粉果, 所以仲以為黎錯, 再望真D... 係 "欖菜餃"!!
欖菜桂林餃
28 瀏覽
0 讚好
0 留言
不過感覺上, 呢個餃唔特別, 無咩欖菜香味, 似係食緊普通菜餃......
鐵板黑椒牛仔骨: 真正鐵板上枱, 就好似去据扒咁, 上枱既時間仲係 "渣渣聲" (小心彈汁落衫)
鐵板黑椒牛仔骨
32 瀏覽
0 讚好
0 留言
超熱~ 呢個鐵板堅超熱, 我又要等佢冷靜咗先可以動口!!
份量感覺偏少, 只有細細 4 片.... 咬落肉質軟淋, 香濃既黑椒味, 可惜偏咸!!!
鵪鶉蛋燒賣: 呢個無特別, 純粹懷舊點心, 我既最愛, 呵呵~
鵪鶉蛋燒賣
21 瀏覽
0 讚好
0 留言
不過味道係唔錯既~
(推) 煲仔生煎菜肉包: 呢個又係吸睛既點心!!
煲仔生煎菜肉包
28 瀏覽
1 讚好
0 留言
諗到唔使諗... 贊!!!! 因為個煲好高溫, 贊酒落煲邊果一下就 "渣" 一聲, 所有目光又吸咗過黎, 哈哈哈~
然後煲煲上枱, 好香呀~ 呢個雖然熱, 但係愈熱食就愈好食, 急不及待試一試!!
當然先輕輕一咬, 真係有好輕既酒香味, 已經分唔到個酒香係黎自鼻聞到, 定係口食到....
包皮鬆軟有咬口, 裡面既肉肉無過熟, 仲充滿肉汁, 讚!!!!
如果大食 D, 一個人食晒 3 粒絕對唔係問題!!!
食飽飽, hea 一陣飲杯茶...... 嘆~~~~
(當然, 唔好期望佢既係靚茶啦, 淡如水既一杯, 哈哈)
題外話/補充資料：
茶錢位位 $3 個大洋
(以上食評乃用戶個人意見 , 並不代表OpenRice之觀點。)
張貼
