影片
更多
2022-03-27
63 瀏覽
座落將軍澳海傍嘅冰室，主打越南x港式菜色，裝修好靚好似cafe可以打卡，座位寬落坐得好舒服，仲可以帶埋狗狗入去坐下食下嘢~------------------------------🫔◖鮮蝦扎肉米紙卷◗ $58香茅味好重，米紙好煙韌有咬口，入面好足料好多鮮蝦，口感豐富，點上酸酸甜甜嘅汁，好開胃！🧈◖煙肉牛油焗青口◗ $68有六隻青口，份量唔係特別大，好香牛油味，但肉質就麻麻。🦐◖喇沙大頭蝦配蒜蓉包◗ $198大頭蝦勁大隻勁厚肉，裏面仲要有膏，肉質厚實彈牙，好鮮甜！另外值得一讚嘅係佢個喇沙汁，調得微辣又帶啲甜，好啱胃口！蒜蓉包好香，表面脆但底已經浸到腍咗，如果可以分開上會更好！🦀◖菠蘿蟹肉鮮蝦炒飯◗ $98炒飯份量好大，有好多蝦同蟹肉，相對上味道淡口啲，可以拎黎撈佢啲喇沙/咖哩食，今次拎咗黎撈喇沙，味道亦好match！🍨◖皓民雪糕雞蛋仔◗ $48使用3.6牛乳軟雪糕，配上熱辣辣嘅雞蛋仔，外脆內軟，冰火兩重天，必試！🥭◖芒果糯米飯◗ $58細細份，個糯米飯熱辣辣但冇味的，芒果就偏酸，淋埋微甜斑蘭椰汁，overall唔會太甜，正常發揮。☕️◖越南咖啡◗ $30咖啡香氣好香濃！港式咖啡落淡奶，呢
------------------------------
🫔◖鮮蝦扎肉米紙卷◗ $58
香茅味好重，米紙好煙韌有咬口，入面好足料好多鮮蝦，口感豐富，點上酸酸甜甜嘅汁，好開胃！
🧈◖煙肉牛油焗青口◗ $68
有六隻青口，份量唔係特別大，好香牛油味，但肉質就麻麻。
🦐◖喇沙大頭蝦配蒜蓉包◗ $198
大頭蝦勁大隻勁厚肉，裏面仲要有膏，肉質厚實彈牙，好鮮甜！另外值得一讚嘅係佢個喇沙汁，調得微辣又帶啲甜，好啱胃口！蒜蓉包好香，表面脆但底已經浸到腍咗，如果可以分開上會更好！
🦀◖菠蘿蟹肉鮮蝦炒飯◗ $98
炒飯份量好大，有好多蝦同蟹肉，相對上味道淡口啲，可以拎黎撈佢啲喇沙/咖哩食，今次拎咗黎撈喇沙，味道亦好match！
🍨◖皓民雪糕雞蛋仔◗ $48
使用3.6牛乳軟雪糕，配上熱辣辣嘅雞蛋仔，外脆內軟，冰火兩重天，必試！
🥭◖芒果糯米飯◗ $58
細細份，個糯米飯熱辣辣但冇味的，芒果就偏酸，淋埋微甜斑蘭椰汁，overall唔會太甜，正常發揮。
☕️◖越南咖啡◗ $30
咖啡香氣好香濃！港式咖啡落淡奶，呢個越南咖啡係落煉奶，好飲絕對要一試！但記得要搞勻佢，唔係啲煉奶會沈曬底！
Encore指數：9/10
------------------------------
佢menu仲有好多東南亞嘅嘢食，都好吸引。除咗主食，有好多甜品choice，仲有狗狗嘅menu，可以帶寵物喺附近散個步一齊黎嘆個tea！
張貼
