The uniek

營業中

休息中

今日同心愛嘅毛孩，去咗南豐紗廠行街，大家都知道嗰度都有好多唔同嘅寵物友善餐廳，今次就揀咗間新開嘅試吓。我同男朋友就分別嗌咗個全日窩夫早餐同埋綠野貝果，再加咗少少錢試吓佢嘅特飲，係薄荷鮮奶咖啡同埋士多啤梨鮮奶咖啡。佢呢個餐廳特別嘅地方就係除咗一部份去買嘢食之外呢，另外一部份都有買啲寵物零食。叫完嘢食之後就去咗睇吓，店員介紹嘅時候話係香港製造嘅。首先嚟嘅係兩杯特飲，佢個士多啤梨鮮奶咖啡好靚，杯嘅形狀好似一個火山咁樣，士多啤梨鮮奶喺下面，而咖啡就喺上面，有個漸變色嘅效果打卡一流。飲落去之後士多啤梨鮮奶嘅士多啤梨味好濃，稍為搞一搞之後再配上咖啡好夾。薄荷鮮奶咖啡都係一樣，有個漸變嘅效果，裝飾上再加咗一塊薄荷葉，賣相更加吸引。暈咗之後薄荷嘅清新亦都令咖啡多咗一種口味，值得一試。之後就係全日窩夫早餐，早餐好足料，有煙三文魚，炒蛋，薯餅，沙律菜，茄汁豆，窩夫，豬肉腸同埋煙肉。薯餅上到嚟嘅時候脆卜卜，豬肉腸亦都好Juicy。煙三文魚亦都配上少少酸橄欖，食落好開胃。之後就係佢嘅綠野貝果，見到佢攰嗰入邊有好多嘅牛油果醬同蟹柳，四圍包住嘅就係火箭菜沙律。貝果入邊亦都有沙律菜，同新鮮蕃茄，成嚿一齊咬味道好夾。