影片
更多
2019-11-18
493 瀏覽
「長路漫漫是如何走過」，一條成功之路得來不得，就好似呢間高級食府「麒藝館」由粵菜老行尊陳小麒，入行總共超過50年，由酒店名廚到而家打正旗號以畢生絕學將花膠、乳豬手藝發揚光大。呢到環境裝潢相當夠哂氣派，燈飾、餐具樣樣精緻，冠冕堂皇。門口隔離就正正有個玻璃，裡面擺左個烤爐，定時定侯仲有個師傅係到即時明火燒乳豬比你睇。員工都好體貼，會詳細介紹返每樣招牌菜式既食法，呢點要大讚！👇📌午市超值孖寶 - $68(Promotion)👉不得不推介而家做緊呢款超值優惠，今個月逢星期一至五午市，每枱都可以嗌一客，呢個孖寶原價做緊HK$236，但優惠期間只係HK$68咋！真係抵到笑呀！-▪ 原隻鮑魚花膠撻▫ 餐廳既招牌菜之一，賣相夠高貴，面頭既鮮鮑煮得好軟腍，又有咬口。底層既曲奇撻裡面暗藏花膠碎，成個連埋一齊食，層次相當豐富。▪ 鮑汁花膠撈飯 ▫ 自古有魚翅撈飯，呢到就有花膠撈飯，一樣夠殺食。底層鋪滿哂炒飯，鮑汁將整個炒飯變得更加惹味，花膠切成條狀，幾有咬口。面頭擺左少少木魚絲，大大增加賣相。📌即燒無花菓天下第一豬 - $188(例)👉Staff重點推介既重頭戲「天下第一豬」，用上越南45日大既乳豬
入行總共超過50年，由酒店名廚到而家打正旗號以畢生絕學將花膠、乳豬手藝發揚光大。
呢到環境裝潢相當夠哂氣派，燈飾、餐具樣樣精緻，冠冕堂皇。
門口隔離就正正有個玻璃，裡面擺左個烤爐，定時定侯仲有個師傅係到即時明火燒乳豬比你睇。
員工都好體貼，會詳細介紹返每樣招牌菜式既食法，呢點要大讚！👇
📌午市超值孖寶 - $68(Promotion)
👉不得不推介而家做緊呢款超值優惠，今個月逢星期一至五午市，每枱都可以嗌一客，
呢個孖寶原價做緊HK$236，但優惠期間只係HK$68咋！真係抵到笑呀！
-
▪ 原隻鮑魚花膠撻
▫ 餐廳既招牌菜之一，賣相夠高貴，面頭既鮮鮑煮得好軟腍，又有咬口。
底層既曲奇撻裡面暗藏花膠碎，成個連埋一齊食，層次相當豐富。
▪ 鮑汁花膠撈飯
▫ 自古有魚翅撈飯，呢到就有花膠撈飯，一樣夠殺食。底層鋪滿哂炒飯，
鮑汁將整個炒飯變得更加惹味，花膠切成條狀，幾有咬口。面頭擺左少少木魚絲，大大增加賣相。
📌即燒無花菓天下第一豬 - $188(例)
👉Staff重點推介既重頭戲「天下第一豬」，用上越南45日大既乳豬，每日新鮮即叫即燒。
師傅會用海鹽加埋糖醋放入焗爐抽乾水份，唔怪得知食落皮脆肉滑，原汁原味啦。
配合老闆自家農埸，獨家既無花果醬配合乳豬一齊食，份外惹味，呢個唔試你一定後悔！
📌麒麟菓花膠凍 - $68
👉估唔到花膠都可以用黎做甜品，呢個甜品整到好似個水晶球，睇得又食得。
裡面啖啖都食到花膠粒同埋麒麟果，夠哂清甜又滋補。
📌黑芝麻擂沙湯圓 - $58
👉經典既擂沙湯圓必定要試，外皮咬落夠煙韌，裡面包住濃濃既芝麻餡香，
作為今餐既最後甜品，絕對係有過之而無不及。
張貼
