影片
更多
2023-01-01
925 瀏覽
大隻仔今次覓食嘅店舖就係💥 寶時茶餐廳 💥 大隻仔今次係第三、四次嚟「寶時茶餐廳」，吸引大隻仔既原因就係餐廳懷舊，內置樓梯，分上下層，喺香港真係買少見少。餐廳闊落，座位唔迫，枱與枱之間疏遠，冇壓迫感，雖然裝修比較舊，但環境寧靜，感覺好舒服。一坐低就會送上一杯熱水浸住叉羹，而家大部分茶餐廳都唔會主動送上熱水，而且餐具都要自己櫃桶拎。準備走嘅時候，姐姐過嚟收野問係咪走啦，大隻仔答完之後，姐姐就跟住同大隻仔講多謝晒，姐姐勁有禮貌，呢啲係咪就係老店先有既人情味。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 豆腐火腩飯 $40「男人的浪漫，豆腐火腩飯」😂😂碟頭睇落以為份量好少，食完超級飽，火腩飯好夠味，加埋辣椒油撈飯食一流，但白飯底唔夠軟綿，比較粗糙，比較散。🔥 例湯 - 蕃茄薯仔豬骨湯 $0例湯大大碗，好夠熱，出晒煙，味道夠，唔會太稀，幾好飲。材料豐富有南北杏、粟米、蕃
💥 寶時茶餐廳 💥
大隻仔今次係第三、四次嚟「寶時茶餐廳」，吸引大隻仔既原因就係餐廳懷舊，內置樓梯，分上下層，喺香港真係買少見少。
餐廳闊落，座位唔迫，枱與枱之間疏遠，冇壓迫感，雖然裝修比較舊，但環境寧靜，感覺好舒服。
一坐低就會送上一杯熱水浸住叉羹，而家大部分茶餐廳都唔會主動送上熱水，而且餐具都要自己櫃桶拎。
準備走嘅時候，姐姐過嚟收野問係咪走啦，大隻仔答完之後，姐姐就跟住同大隻仔講多謝晒，姐姐勁有禮貌，呢啲係咪就係老店先有既人情味。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般
1⭐️ 差
味道 ⭐️⭐️⭐️⭐️
抵食 ⭐️⭐️⭐️⭐️⭐️
服務 ⭐️⭐️⭐️⭐️⭐️
環境 ⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯
全日快餐（包例湯+熱飲）
$40
22 瀏覽
1 讚好
0 留言
🔥 豆腐火腩飯 $40
「男人的浪漫，豆腐火腩飯」😂😂
碟頭睇落以為份量好少，食完超級飽，火腩飯好夠味，加埋辣椒油撈飯食一流，但白飯底唔夠軟綿，比較粗糙，比較散。
豆腐火腩飯
23 瀏覽
0 讚好
0 留言
🔥 例湯 - 蕃茄薯仔豬骨湯 $0
例湯大大碗，好夠熱，出晒煙，味道夠，唔會太稀，幾好飲。
材料豐富有南北杏、粟米、蕃茄、豬肉，反而冇薯仔。
例湯 - 蕃茄薯仔豬骨湯
11 瀏覽
0 讚好
0 留言
🔥 茶走 $0
好好飲，好夠熱，茶夠香，奶夠滑，夠甜，大隻仔真係好耐都未飲過一杯咁好飲嘅「茶走」，「茶走」都係要老店先會好飲。
茶走
10 瀏覽
0 讚好
0 留言
張貼
