日山 (海運大廈)

營業中

休息中

日山喺海港城一直都比較熱門，喺OpenRice 見到晏晝有位就book 嚟試吓，食完都幾滿意$498 壽喜燒A5和牛嚴選部分及野菜盛前菜蜆肉茶碗蒸比平時嘅多份鮮甜味，有3粒新鮮蜆肉，蛋又夠熱夠滑。清酒梅子啫喱嘅酒味好淡，味道清甜，梅子好甜好大粒，有啲驚喜車打芝士漢堡肉，相較普通，冇咩肉汁，芝士味仲搶咗漢堡味道漬物嘅蒜蓉粒好入味，咸咸甜甜，好想食多幾粒🤣主角壽喜燒係用上鹿兒島肩膊肉，每人4片，油花滿滿，預設7分熟。師傅會分2個形式嚟煮，先係加蛋汁，再係淨壽喜燒汁加粉絲。配上嘅菇，大蔥，洋蔥都好香甜，唯獨小松菜好甘，食唔慣🥹甜點柚子雪糕微酸，帶有少許柚子皮嘅苦澀味，味道好真，不錯。