樂天皇朝 (將軍澳中心)

營業中

休息中

樂天皇朝 將軍澳唐德街9號將軍澳中心地下G31號舖平時中菜食得多嘅都係啲四川辣嘢，今日經過將中一帶，見到呢間上海菜都幾吸引，一於試吓新嘢！李白醉雞醉雞入面大半都係雞髀肉，雞肉啖啖醉酒香🍶，但係酒味並未有令到雞肉變得鞋身，肉質仍然可以保持到嫩滑。紅油抄手抄手大大隻，內涵既菜肉份量亦好多，配埋香醋同埋紅油食非常開胃，難怪成為餐廳嘅王牌小食！上海炒飯炒飯一上到嚟就睇得出鑊氣十足，飯顆粒粒分明但並非油身，非常煙靭有𡁻口，再配上蝦仁同埋菜粒夠哂惹味。皇朝擔擔麵擔擔面嘅湯底啖啖花生醬香，味道香濃🍜麵條煮得剛好，滑溜得來唔會太淋，真係食到肚仔都識得跳舞！