陳儀興飯店 (嘉悅)

營業中

休息中

餐廳主打各款中菜款式選擇非常之多而且價格親民 夠晒鑊氣性價比非常高香煎蓮藕餅 $98蓮藕餅煎得金黃香脆，蓮藕都算幾多，非常足料，食落口感層次豐富。沙嗲芥蘭牛肉 $98芥蘭炒完之後好爽口，食落唔會有苦澀味。牛肉口感嫩滑，充分吸收哂沙嗲嘅香味。古法啫啫雞 $95即叫即整，上菜時仲熱辣辣，雞肉嘅份量都幾多，肉質鮮甜嫩滑，J啫啫煲嘅調味做得好好，食落唔會好鹹。京都骨 $88京都骨嘅醬汁味道酸酸甜甜，非常開胃，肉質嫩滑細膩，非常惹味。椒鹽鱔球 $198鱔球外層炸得非常酥脆，食落唔會好多骨，都幾易入口，椒鹽味好香，內裏嘅鱔肉嫩滑多汁。脆皮落湯錢 $88呢度甜品幾似糖不甩，表層煎得好香脆，食落非常有嚼勁。