DHYC Dimsum Restaurant

營業中

休息中

之前都同朋友食過呢間點心鋪，咁岩呢排又去將軍澳約咗朋友同埋佢隻狗一齊食晚飯，就簡咗呢間餐廳；呢間餐廳係一間寵物友善嘅餐廳，可以帶埋寵物一齊喺餐廳到食野，當日平日夜晚都見到好多人都帶咗佢地嘅寵物一齊食晚飯。🥢懐舊灌湯餃灌湯餃非常大隻，一上檯職員都提醒要趁熱快啲食，灌湯餃嘅皮都幾薄，湯嘅份量都好多，夾嘅時候要小心，唔好夾穿佢。🥢窩貼蝦多士👍蝦多士炸到勁脆卜卜，而蝦膠亦都好彈牙；如果想無咁油膩，可以配埋雜果沙律一齊食。🥢韭菜金錢蟹盒外皮嘅雲吞皮炸到金黃香脆，內裡配上蟹肉同味道鮮美嘅韭菜，味道都幾豐富。🥢蒜蓉粉絲蒸鮮魷魷魚味道新鮮，口感彈牙，而粉絲亦都非常入味，吸收咗魷魚嘅鮮味同埋蒜蓉嘅味道。🥢焗叉燒包👍叉燒包一上檯個陣仲係熱辣辣，外皮鬆軟酥香，味道鹹中有甜。🥢蘿蔔絲酥餅外皮層次分明，層層都做到酥脆嘅口感，內裡有刨成細絲嘅白蘿蔔，口感非常豐富。🥢牛肉球牛肉球口感嫩滑彈牙，充滿肉汁，配埋喼汁一齊食，味道更豐富。🥢蟹肉大良炒鮮奶👍呢個菜式非常考功夫，火候要控制得好好，先可以整到嫩滑嘅口感，而呢個炒鮮奶煮得岩岩好，口感非常嫩滑，每一啖都可以食到淡淡嘅奶香同埋蟹肉。