影片
更多
2021-12-14
112 瀏覽
賀天 (將軍澳)新開咗幾個月嘅日本菜，今日終於有時間試吓。佢哋有普通Menu同omakase ，我哋今日試咗lunch set 同 單叫咗啲食物。呢到係pet friendly，可以帶埋寵物嚟食嘢，而且仲有室外位置，可以睇到海皮，都幾舒服。。🌟関西安格斯牛肉壽喜鍋 $138Lunch set有份沙律同茶碗蒸，牛肉壽喜燒會配白飯，有娃娃菜、冬菇、牛肉、粉絲同蛋，湯底甜甜地，所有材料食落都有甜味。牛肉要盡快食唔係會浸得太熟，份量都幾多。。🌟松，七本時令壽司小卷三本 $188呢個都有跟沙律同茶碗蒸，除咗壽司仲會配埋牛肉烏冬。壽司好新鮮，三文魚腩同海膽鮮甜肥美。。🌟加配 三文魚牛油果他他杯飯 $38、時令三點刺身 $48每份套餐可以加配一款，有飲品小食。他他杯飯已經有調味，個配搭都唔錯。刺身有甜蝦帶子同三文魚，三款都新鮮，帶子厚身鮮甜。。🌟賀天招牌卷（3本）$68上面係燒鰻魚，包住蟹子、玉子、牛油果同蟹柳，口感豐富，配搭味道都唔錯。。🌟軟殼蟹卷（4本）$88超足料嘅卷物，食到一大舊軟殼蟹，中間仲有蟹膏，呢款可以試吓。。🌟朴葉活鰻魚飯 $268一打開已經聞到好香，外皮同表面都幾酥脆，有搽上甜甜嘅
新開咗幾個月嘅日本菜，今日終於有時間試吓。佢哋有普通Menu同omakase ，我哋今日試咗lunch set 同 單叫咗啲食物。呢到係pet friendly，可以帶埋寵物嚟食嘢，而且仲有室外位置，可以睇到海皮，都幾舒服。
。
🌟関西安格斯牛肉壽喜鍋 $138
Lunch set有份沙律同茶碗蒸，牛肉壽喜燒會配白飯，有娃娃菜、冬菇、牛肉、粉絲同蛋，湯底甜甜地，所有材料食落都有甜味。牛肉要盡快食唔係會浸得太熟，份量都幾多。
。
🌟松，七本時令壽司小卷三本 $188
呢個都有跟沙律同茶碗蒸，除咗壽司仲會配埋牛肉烏冬。壽司好新鮮，三文魚腩同海膽鮮甜肥美。
。
🌟加配 三文魚牛油果他他杯飯 $38、時令三點刺身 $48
每份套餐可以加配一款，有飲品小食。他他杯飯已經有調味，個配搭都唔錯。刺身有甜蝦帶子同三文魚，三款都新鮮，帶子厚身鮮甜。
。
🌟賀天招牌卷（3本）$68
上面係燒鰻魚，包住蟹子、玉子、牛油果同蟹柳，口感豐富，配搭味道都唔錯。
。
🌟軟殼蟹卷（4本）$88
超足料嘅卷物，食到一大舊軟殼蟹，中間仲有蟹膏，呢款可以試吓。
。
🌟朴葉活鰻魚飯 $268
一打開已經聞到好香，外皮同表面都幾酥脆，有搽上甜甜嘅鰻魚汁，鰻魚肉質軟滑，都幾出色，而且飯量好多。
。
🌟伯爵茶千層蛋糕 $38
好少見日本餐廳會有千層蛋糕食，茶味都幾香，Cream幾順滑，皮可以再薄啲。
。
📍將軍澳唐俊街28號海天晉滙1樓104-105號舖
張貼
