漁釧 (將軍澳中心) (已結業)

將軍澳呢區近年越來越多餐廳，除咗將軍澳南海旁，其實近地鐵站嘅商場都有好多唔錯嘅選擇㗎。今日嚟到將軍澳中心嘅漁釧，屬於日式居酒屋，係區內比較少見嘅定位。如果你都鍾意食日本嘢，推薦你嚟試吓。餐點選擇非常多，由頭盤沙律小食，鍋品一品料理，壽司刺身，拉麵定食，基本上囊括大部分日式料理。所以無論小聚會定係一大班人聚餐都應該會搵到想食嘅嘢。由於嗰晚唔算好肚餓，所以我哋兩個人叫咗幾件壽司、沙律、幾款鐵板小食去分享，一邊食一邊傾偈，仲可以配埋威士忌梳打，暢飲一番，實在係個愉快嘅晚上。價錢嚟講我覺得係合理嘅，咁多餐項選擇亦都豐儉由人。而餐廳亦都能夠保持到穩定水準，唔同種類嘅食品都能夠維持質素，係一間我想再訪嘅餐廳。松葉蟹肉野菜沙律 $108鐵板牛油焗帶子 $78鐵板牛舌 $68醬油三文魚壽司 $20-24/pc帆立貝壽司唐揚雞軟骨粒 $58鰻魚柳川鍋 $102Suntory high ball $48