大灰熊廚房 (裝修中)

早排去咗將軍澳搵美食，呢間茶餐廳裝修簡單舒適，環境亦都好乾淨整潔。餐廳係以住家飯私房菜為主，所以菜式價格合理大眾化，非常適合大家聚餐或者輕鬆用餐。 👭👨‍👩‍👦‍👦。1️⃣烤粟米:呢間餐廳嘅烤粟米🌽真係好香，作為餐前小食嚟食真係好正，粟米有澱粉質，唔使食飯都已經好飽足啦！😄2️⃣千島蝦球:呢個千島蝦球就真係好出色喇！佢炸得好香脆，再配上靚靚嘅千島醬同沙律，所以食落唔會好滯，味道超級好👍🏻3️⃣蒜蓉粉絲蒸勝瓜:佢將勝瓜同蒜蓉粉絲蒸得剛剛好，勝瓜鮮嫩多汁，粉絲滑口，再加上超多既蒜，真係一道簡單但又美味嘅菜式。4️⃣粟米豆腐羹:呢個粟米豆腐羹非常之滑口，湯底鮮甜，仲有粟米嘅甜味同豆腐嘅香滑口感，真係好好味！而且份量都好豐富，一碗已經好滿足。