砂煲兄弟 (東港城) (已結業)

今日去接朋友放工， 三個人去到將軍澳， 下午茶時間梗係要搵嘢食， 入到東港城原本想食茶木之類嘅，可惜朋友唔太喜愛，話想食番啲港式食物，去到一間好似幾有特色嘅鋪頭。估唔到舖頭都有bb凳，細細張，用起黎都幾方便。馬來沙爹火焰牛仔骨， 牛仔骨數量比預期多，最重要配合新鮮菠蘿，適量嘅三色椒成碟餸視覺效果已經係靚咗，至於味道方面，沙嗲味偏重，如果重口味人士未必適合， 但係對於我同朋友嚟講就係一個唔錯嘅選擇，沙爹汁掛曬喺每舊牛仔骨上面， 味道一流 。竹笙杞子浸時蔬， 煲仔咁上， 味道清淡， 素食人士都可以選擇， 另外有驚喜嘅， 冇諗過鋪頭唔吝嗇竹笙， 食咗件數不少。主食方面我哋就叫咗 抹茶櫻花蝦鰻魚煲仔飯 茶味十足嘅煲仔飯真係未試過煲仔飯粒粒分明 食到最後成個煲底都係脆卜卜嘅飯焦 唯一可惜嘅就係鰻魚偏細。 下次再嚟食過。