大灰熊廚房 (裝修中)

呢間餐廳有啲難搵，落咗巴士之後都要行一段路，後尾先知原來係個屋苑隔離嘅商場入邊，門面真係一啲都唔起眼，但係原來啲嘢食咁好味，民間英雄應該就係呢啲。今次試咗好多樣嘢，有金銀蛋浸時菜、拔絲咕嚕肉、西湖牛肉羹、涼拌青瓜再加兩碗白飯。我咁大個人第一次食西湖牛肉羹，第一啖飲落去已經覺得個味道好吸引，啲牛肉完全吊到個味出嚟，飲完一碗都覺得未夠喉，唔怪得知話係例牌，一個人真係要自己飲一碗。另外個拔絲咕嚕肉都勁好食，真係可以整到出邊吹卜卜，仲要有拔絲！