札幌拉麵 Miso No.1 x 辛味屋 (已結業)

係將軍澳住左幾年一直都冇咩日式拉麵店，難得荃灣公司附近嘅札幌拉麵係屋企樓下開左分店，我地咁愛食拉麵，呢度當然會成為我地嘅飯堂啦。😁今朝天氣寒冷，同老公訓到12點先起身，落到札幌拉麵時客人都唔多，餐廳唔算大間，座位以卡位為主，都幾闊落。Lunch Set價錢全部都係100以下，我點左我最愛嘅豬軟骨拉麵配鰻魚飯，老公就點左佢每次黎都食嘅網燒雪花牛扒定食。豬軟骨拉麵湯底濃郁，麵質粗身彈牙，豬軟骨軟腍入味，加上粟米粒同蔥絲，非常惹味我個餐除左碗拉麵，仲有配鰻魚飯，份量好多。👍老公點嘅網燒雪花牛扒定食賣相都好吸引。我地加配埋餐飲，埋單每位都係$92，都幾抵食。