牛たん大輔 (已結業)

朋人飯聚，點選了這間特色新餐廳。原本想話訂枱，但不接受訂枱服務。7點鐘到，只剩下1張枱。環境⭐⭐⭐舖面簡潔；只得幾張4人枱及一行bar枱。開放式廚房，但抽風比較欠佳，油煙比較濃。食物⭐⭐⭐⭐鐘意食爽口煙韌既牛脷可以選【特製照燒汁牛脷飯定食】。味道會較濃偏咸一點，照燒汁內還加了少少辣粉，好好食。佢既白飯係珍珠米之外，仲好似加了一些薏米係入邊，增多了一些口感。【熟成招牌燒牛脷定食】牛脷也是比較爽口，但味道會淡啲，因為店員會推介配搭不同的調味料。【特製紅汁炆牛脷定食】朋友點了這款，佢食完第一啖話有少少牛“騷味”，而牛脷比較冧。我哋仲點了日式炸豆腐同燒茄子~真係要試炸豆腐！仲要即到即食！外脆內滑！~而燒茄子，則普普通通。服務⭐⭐⭐⭐⭐舖面雖小，但食完後也不會趕人走，還會不停添水。