影片
更多
2017-06-21
3979 瀏覽
妹妹生日，梗係要帶佢食好野，我同佢最鐘意都係食日本野，又唔想淨係食壽司魚生咁悶，所以就專登搵左呢間餐廳同佢慶祝餐廳雖然係廣東道，平時成日都會成日行過的一條街，但平時就無咩留意到呢個大廈的入口，如果唔係上網搵到佢差D就錯失左食呢間餐廳餐廳有室外座位，而家正值夏天，天氣咁熱，我地當然選擇坐係室內啦有魚缸一路養住D海鮮，包保煮之前佢仲係生生猛猛有兩款二人餐，我地兩個女仔叫少D野食的套餐都夠晒了，今晚我地就食左浜‧松二人前 ($640)蟹肉蟹籽野菜沙律沙律好大碟，當中的蟹肉同蟹籽都俾得好多，沙律菜新鮮爽脆，好彩有留肚黎食呢餐飯，如果唔係食完個沙律都飽左一半刺身刺身分別有赤貝、海膽、三文魚、劍魚腩、赤蝦，海膽係來自加拿大的，無難聞味道，所有魚生都好新鮮，三文魚及劍魚腩夠肥美浜燒盛合呢個盛合實在好豐富，有活伊勢海老、蟹肉蟹膏甲羅燒、活帆立貝、活鮑魚、日本蠔、活刀貝，鮑魚上檯時仲見到佢郁下郁下，我見到店員係魚缸拎出黎即時就俾我地食，所以完全唔洗懷疑海鮮的新鮮程度每檯都有一位店員會幫手燒晒所有海鮮，完全唔洗自己動手，唔怕自己燒會過生或者過熟浪費左食物鮑魚已經好細心地去除晒唔食得的部分，而且已經切到細細
餐廳雖然係廣東道，平時成日都會成日行過的一條街，但平時就無咩留意到呢個大廈的入口，如果唔係上網搵到佢差D就錯失左食呢間餐廳
餐廳有室外座位，而家正值夏天，天氣咁熱，我地當然選擇坐係室內啦
有魚缸一路養住D海鮮，包保煮之前佢仲係生生猛猛
有兩款二人餐，我地兩個女仔叫少D野食的套餐都夠晒了，今晚我地就食左浜‧松二人前 ($640)
蟹肉蟹籽野菜沙律沙律好大碟，當中的蟹肉同蟹籽都俾得好多，沙律菜新鮮爽脆，好彩有留肚黎食呢餐飯，如果唔係食完個沙律都飽左一半
刺身刺身分別有赤貝、海膽、三文魚、劍魚腩、赤蝦，海膽係來自加拿大的，無難聞味道，所有魚生都好新鮮，三文魚及劍魚腩夠肥美
浜燒盛合呢個盛合實在好豐富，有活伊勢海老、蟹肉蟹膏甲羅燒、活帆立貝、活鮑魚、日本蠔、活刀貝，鮑魚上檯時仲見到佢郁下郁下，我見到店員係魚缸拎出黎即時就俾我地食，所以完全唔洗懷疑海鮮的新鮮程度
每檯都有一位店員會幫手燒晒所有海鮮，完全唔洗自己動手，唔怕自己燒會過生或者過熟浪費左食物
鮑魚已經好細心地去除晒唔食得的部分，而且已經切到細細件方便食用
刀貝肉同蠔肉都好大粒，漲卜卜，刀貝肉有淡淡的清酒香
龍蝦塗上牛油，增添多一份香氣，已開邊的龍蝦輕易就食晒所有肉
蟹肉蟹膏甲羅燒香氣逼人，配上薯片一齊食都真係第一次，呢個咁新穎的配搭不太差，唔會好似多士咁容易食飽左個肚
黑松露野菌錫紙燒呢個係菌類大混集，有珍貴的黑松露同幾款唔同種類的菌，記得食之前要拌勻黑松露喔
唐揚日本產雞件 雖然係炸雞，但由於佢無厚厚的炸醬，所以食落唔算好熱氣，肉質經炸過之後仲保持到嫩的感覺
野菜牛肉鍋燒烏冬差不多到尾聲就食番個飽肚野，雖然食左咁多海鮮之後都已經有點飽，但呢個烏冬實在高於期望，十分滑身又彈牙，湯底又清清地咁，而且有唔少蔬菜，所以我地兩個都合力食得晒
日本柚子雪葩用清新的柚子雪葩作尾適合不過，之前已經食左咁多濃味野，雪葩完全發揮到清新口腔之效
我本人就好滿意呢一間餐廳，希望妹妹同樣鐘意我為佢安排的呢一餐生日飯啦
張貼
