Gyutan Toku牛舌專門店

營業中

休息中

有個好朋友住天光道附近，今晚約左佢食飯，佢第一句問我鐘唔鐘意食牛舌。佢話屋企附近有間正嘢叫我一定要去試下。講真特登食又唔會，但平時燒肉時，有牛舌，我都會食下既。見佢咁推介，咁就去試下啦。原來呢一間係專門食牛舌嘅日式餐廳。裝修充滿日式風情，好有日式居酒屋感覺。睇到餐牌，牛舌有分極上和薄燒，朋友推介我要極上，嗰塊牛舌會厚好多口感好好多。呢個極上牛舌簡直顛覆左我對牛舌的印象。因為無諗過厚燒牛舌係可以唔韌，而且軟熟同多汁。只係用少少wasabi點係上面，立即帶出濃濃的牛舌香味。我絕對會因為呢個味道而愛上牛舌。另外我哋Share咗豬肉生薑燒定食，豬肉片濃味好送飯，絕對唔係味精死咸。係啱啱好順喉，而且豬肉片掛汁程度啱啱好，而且洋蔥蘿蔔配料好吸味好腍。見到有熱氣既小食理智就消失了。叫咗吉列蠔同明太子雞翼。每隻吉列蠔都啖啖肉，熱辣辣食好正。而且一啲熱唔油膩。明太子雞翼脹卜卜，好重明太子味道，香脆可口。定食份量好多，有前菜，蒸蛋，麵豉湯和白飯。有機會一定要再黎試埋薄燒牛舌先。