校長燒肉日韓料理 (已搬遷) 新店位置

聽聞元朗不嬲都多野食，今晚就去元朗覓食了，行過見到呢一間校長燒肉，就入去試試。入到餐廳，裝修帶點工業風，枱是圓形的木桶，而食物是採用自助形式，有肉類，刺身，蔬菜，甜品，雖然拎野食的地方不是很大，但食物種類應有盡有，而且質素都是中上的。肉類方面種類多，亦有清楚表明係咩肉。其中以牛五花，穀飼牛肋眼心條，最為好食。 除左肉類，仲有海鮮類，有蝦和帆立貝等等… 最為驚喜的是熟食有章魚小丸子及薯條，還有我平時去放題已經好鍾意食既紫芋波，令我忍唔住食左8粒。 食完正餐後,少不免是食甜品作一個完美的結束，我覺得最驚喜的是這間店鋪不只有常見的雪條，還有很懷舊的菠蘿冰，西瓜冰等等，在這幾天這麼熱的天氣，食呢D作甜品真是透心涼了。