老香江茶居 (已搬遷) 新店位置

西貢係我一個唔多踏足嘅地方，入嚟嘅次數可能唔多過五次。還記得第一次踏足呢個地方，係因為佢响呢樹嘅愛護動物協會工作而入住西貢，而我就回港旅行而入嚟探佢。對上一次入嚟就好似係已經好幾年前，同舊同事入嚟 BBQ。今次再入嚟，有少少桃花依舊，人面全非嘅感覺。當日嘅好好朋友，今日可能已經變咗係一般嘅朋友；當日嘅佢，變咗做今日嘅佢。當日仍然係黃毛丫頭嘅我，今日已經變咗有好多心事嘅我。人大咗，自然諗多咗；人老咗，自然讓步咗！雖然好多嘢唔同咗，但慶幸我身邊仍然有一班好朋友陪伴住我，呢日就攞咗半日假同兩個好朋友入嚟西貢覓美食。老香江茶居絕對唔係一間古老，而係一間充滿優雅、給人寧靜感覺嘅茶居。呢間茶居除咗環境不錯外，佢嘅食物亦係值得一試。三個人，但叫嘅食物絕對唔止三份，我相信五至六都應該可以夠食。原條免切叉燒飯 ~~ 但因為我哋係 share 食，所以要求餐廳幫我哋斬件上。叉燒嘅肉質夠腍，味道濃郁。如果原條上應該會更有咬口三浸玫瑰豉油雞伴麵配清湯 ~~ 這個麵令我回味番細個响街邊買炒麵嘅味道，配上嫩滑嘅豉油雞，多咗一分貴氣魚湯海鮮大會飯 ~~ 這個大會飯真係材料十足，每樣海鮮都係非常新鮮，鮮甜嘅海鮮湯底，