雲桂香米線專門店

營業中

休息中

升上大學之後，日日係大學CANTEEN食頹飯，開始懷念之前中學個時同同學一齊食既餐廳。今日番到葵芳，就去左其中一間中學成日去食既餐廳：雲桂香米線專門店（雲米） 中學時候每次放LUNCH，雲米都一定會大排長龍，因為雲米既米線一碗都只係大約20幾蚊，平得黎質素都十分好，湯底用料同菜式都十分之吸引，用咁平既價錢食到一碗雲米既麵真係算得上平靚正。但今次番去，雲米既質素同之前比較降低左。我叫左一個涼伴米線加腩肉。因為係涼伴，麵既硬度就由廚房控制，無話浸耐啲會淋啲，而依次我食既麵就偏硬，仲有一兩條麵連散都未散開。而腩肉就鹵得過份入味，加埋涼伴既醬，令到成碗麵都比較鹹。如果唔睇味道，或者本身中意重口味既人，就唔會覺得有問題。而且係口感上，涼健米線真係唔錯，層次比較多元化。特別係以花生同窄菜作為伴料，花生的硬同窄菜既爽脆，令我有種想拍手掌既衝動，可惜麵唔夠淋，所以有啲美中不足。我額外加既凍檸茶亦為依次既LUNCH加分。凍檸茶既檸檬應該係即切新鮮既，所以甜酸既味道適中，唔會話有種苦澀既味道，對雲米今次既表現十分有四分左右。