更多
2017-05-02
431 瀏覽
仲記得細細個喺冬菇亭嗰度食碗仔翅同粉仔嘅味道, 難得石籬粉仔重開, 當然要去回憶下舊時嘅味道啦。講真,真係比之前貴咗好多, 但係相對於出面都仍然係平啲嘅。 最重要係個味道同之前一樣完全冇變, 一路食一路回憶以前嘅日子真係好懷念。我哋又叫粉仔又叫碗仔翅,仲有魚蛋燒賣等小食,加埋都唔使一百蚊都真係幾抵。 個人超鍾意食呢度嘅辣魚蛋, 魚蛋最好就可以一半辣一半唔辣兩個人share啱啱好。呢度最重要就係食粉仔同碗仔翅, 啲辣菜脯係精髓, 個人超鍾意食, 仲要忍住買咗一樽返屋企, 雖然真係好辣,但係辣得好過癮, 要嚟撈麵之類都唔錯㗎。
張貼