影片
更多
2017-10-09
97 瀏覽
銅鑼灣鵝頸橋的魂拉麵算係較早期拉麵熱潮興起的其中之一。個時我覺得魂真係好好食，個湯底係好濃郁同厚身，咁岩我又去完東京食無敵家，覺得魂個味做得好似。雖然舖頭細細，夜晚成日都大排長龍，所以以前我通常都係下晝去，好後期先有機會食到晚市限定的青龍。初時拉麵熱潮興起比較多人食豬骨湯拉麵，辣的或者墨魚汁的拉麵比較少見。佢地做拉麵好認真架，每一碗麵師傅都fing同個麵乾晒水（我成日覺得碗碗麵都咁fing會唔會工傷）。每次食完我都覺得大滿足（拉麵係要食完飽到濟濟地咁先最正）。之後銅鑼灣越來越多拉麵舖，越來越多選擇就少左返去食魂了，而且佢條人龍都無左。某日見好耐無食返去食個味道完全唔同晒！個濃厚的感覺無左而且好淡味。魂個「靈魂」無左！所以我就無再食了。最近經過鵝頸橋發現佢竟然執左！好surprise 又有點失落，話晒都有開左都4年幾都有感情，以為佢被依家的拉麵熱潮淘汰都覺得可惜。後來知道原來唔係執左只係搬左，所以決定再去一試。地點好方便，太子警署後面，A出口一出過對面街就係。舖頭比以前大好多，但lunch 1:30入到去一枱客都無（可能因為閒日近中秋關係？），我同朋友就好似包場食拉麵咁。Menu無變，我
之後銅鑼灣越來越多拉麵舖，越來越多選擇就少左返去食魂了，而且佢條人龍都無左。某日見好耐無食返去食個味道完全唔同晒！個濃厚的感覺無左而且好淡味。魂個「靈魂」無左！所以我就無再食了。
最近經過鵝頸橋發現佢竟然執左！好surprise 又有點失落，話晒都有開左都4年幾都有感情，以為佢被依家的拉麵熱潮淘汰都覺得可惜。後來知道原來唔係執左只係搬左，所以決定再去一試。
地點好方便，太子警署後面，A出口一出過對面街就係。舖頭比以前大好多，但lunch 1:30入到去一枱客都無（可能因為閒日近中秋關係？），我同朋友就好似包場食拉麵咁。Menu無變，我同朋友照舊一人一碗太極。
等左一陣拉麵上菜啦！碗都係用返舊舖的。湯始終不如當年香濃同厚身（我懷疑自己係咪揀左淡味），但都比上一次係舊舖食質素好左。不過湯好少，只係浸到9成的麵，麵未食晒湯已經飲得7788。依家d拉麵店係咪真係因為香港人成日飲唔晒d湯覺得浪費所以個份量預得咁盡？！但其實湯真係一碗拉麵的靈魂，無左大滿足暢快的感覺真係就算碗麵幾好食對我黎講都係爭咁d。麵佢都轉左，同鳥華亭一樣用一隻較彎身好似公仔麵咁既拉麵。我個人就唔太喜歡呢隻麵，偏碎又無乜口感，唔覺得特拉掛湯。
好快就食完晒碗麵+飲晒個湯。雖然覺得好食左但始終食唔返以前的味道（難道換左師傅？！），無左以前食完係咁抹嘴都仲有墨魚汁係嘴邊個個情況，代表個湯唔夠濃身？！。我唔會話唔再返黎食，但暫時無好想再返黎食的衝動。或者有一日我又想再尋味的時候我又會再回來。
張貼
