見見面 (已結業)

真係好耐冇出街食晩飯，九龍城更是少之又少。今晚終於約埋家姐去九龍城食晚飯。講開九龍城不嬲都多好嘢食，今次真係要推介下呢間食麻辣的餐廳。聽個名「見見面」以為係食麵的。原来係食四川菜，有水煮魚、烤酸菜魚等等。我同家姐都鍾意食麻辣，又麻又辣就最啱心意。我哋8:00pm 到咗但未有位。係門口等位時，其實已經陣陣的麻辣香味傳入我的鼻。好不容易大概等了15分鐘，餐廳阿姐為我們安排入坐了一個4人卡位。目測店鋪有4張4人卡位，中間再有2張4人檯。進入店中，更是被果陣濃厚的麻辣味包圍全身。點菜落單好方便，掃一掃二維碼，透過手機已經可以了。我們一心要食水煮魚 ...... 以為吾使煩吾使左揀右揀咩？哈哈～ 點知都係要揀，因為有生魚同桂花魚揀。而且仲可以自己選辣同麻的程度、又可以揀多定少蔥或加吾加茜，十分貼心。最後決定水煮魚要少辣多麻，食魚嘅鮮甜昧。我同家姐都吾想太多骨，所以揀桂花魚，魚肉厚又滑，配埋的粗薯粉，吸收了湯汁，煙韌又夠味，而且食極都仲有，十分足份量添。家姐又想試吓毛血旺 ...... 一係吾食辣，一食就食盡啲，呢個決定試佢中辣少麻。毛血旺裡亦都十分足料，有牛柏葉、腸、蟹柳、豬血，仲有爽口牛黃喉，