影片
更多
2023-03-30
757 瀏覽
放學之後行吓堅尼地城無意中發現呢間麵包舖位置唔起眼，舖仔細細，但賣嘅麵包款式卻「包」羅萬有😆由傳統港式麵包(腸仔包、雞尾包、菠蘿包、椰絲奶油包、蛋撻)到近期最Hit嘅千層生吐司、麻糬包都有🍞名叫「小時候」係希望客人可以食完麵包之後尋回小時候簡單快樂嘅味道👶🏻店舖採用自家發酵麵包，主張無添加無防腐劑，健康又好味入到去真係每款麵包都想試😍麻糬bagel、麻糬波波、紫薯麻糬包、英式鬆餅、蛋撻……▶️ 3.5鮮奶蛋白撻 ($8/個)新鮮熱辣辣♨️超香牛油味牛油曲奇皮配上蛋白+3.5%牛奶嘅蛋漿牛油曲奇皮相對厚身少少，但係同蛋漿比例唔錯，拎上手唔易散開返到屋企焗返熱嚟食，非常鬆化香脆🤤帶少少鹽鹹味好耐冇食過咁好食嘅撻皮，真係搵返童年鍾意嗰種蛋撻味！鮮奶蛋白餡就好eggy濕潤，食落似固體少少嘅牛奶，好似布甸咁彈吓彈吓🥛奶味香而濃郁，甜度適中(應該係本身牛奶甜味，唔會食到糖味)影出嚟好似唔太大，但一個都有60g重架！▶️ 抺茶大納言麻糬 ($15)新品💚見得返一個就買咗嚕攞上手好重手 (120g)，似係湯種麵包一開始以為入面得麻糬，點知搣開超有驚喜，竟然有爆多粒粒紅豆🫘本身粒麻糬都唔細 抺茶用上小山園抺茶
位置唔起眼，舖仔細細，但賣嘅麵包款式卻「包」羅萬有😆
由傳統港式麵包(腸仔包、雞尾包、菠蘿包、椰絲奶油包、蛋撻)到近期最Hit嘅千層生吐司、麻糬包都有🍞
名叫「小時候」係希望客人可以食完麵包之後尋回小時候簡單快樂嘅味道👶🏻
店舖採用自家發酵麵包，主張無添加無防腐劑，健康又好味
入到去真係每款麵包都想試😍麻糬bagel、麻糬波波、紫薯麻糬包、英式鬆餅、蛋撻……
▶️ 3.5鮮奶蛋白撻 ($8/個)
新鮮熱辣辣♨️超香牛油味
牛油曲奇皮配上蛋白+3.5%牛奶嘅蛋漿
牛油曲奇皮相對厚身少少，但係同蛋漿比例唔錯，拎上手唔易散開
3.5鮮奶蛋白撻
$8
40 瀏覽
0 讚好
0 留言
返到屋企焗返熱嚟食，非常鬆化香脆🤤帶少少鹽鹹味
好耐冇食過咁好食嘅撻皮，真係搵返童年鍾意嗰種蛋撻味！
鮮奶蛋白餡就好eggy濕潤，食落似固體少少嘅牛奶，好似布甸咁彈吓彈吓
🥛奶味香而濃郁，甜度適中(應該係本身牛奶甜味，唔會食到糖味)
影出嚟好似唔太大，但一個都有60g重架！
▶️ 抺茶大納言麻糬 ($15)
新品💚見得返一個就買咗嚕
攞上手好重手 (120g)，似係湯種麵包
一開始以為入面得麻糬，點知搣開超有驚喜，竟然有爆多粒粒紅豆🫘本身粒麻糬都唔細
抺茶大納言麻糬
$15
26 瀏覽
0 讚好
0 留言
抺茶用上小山園抺茶粉，難怪抹茶味幾香濃，離遠都聞到，帶微微甘苦味，令麵包唔甜 🍵
麵包質感唔係軟綿綿餐包但非常有嚼口👍🏻絕對係我鍾意嘅麵包質感
大納言紅豆粒係名古屋出產，從未見過咁巨型嘅紅豆😂食落微微起沙，紅豆味好出(紅豆控一定好鍾意)不過略嚴甜咗啲🤏🏻
麻糬係店舖自家製嘅牛奶麻糬，超級煙靭有回彈力，黏得來唔係一pat嘢，仲做到拉絲效果 👍🏻好正！
味道唔甜，食真啲會食到好淡好淡嘅奶香味
全部嘢加埋好夾，好彩麵包同麻糬可以中和返紅豆嘅甜味
▶️ 琥珀合桃 ($12)
夾落幾實正，見佢啲合桃好足料大粒
比起抹茶嗰個輕身啲 (~70g)但絕對唔係空氣包，只係麵種唔同，相對冇咁煙靭反而鬆軟啲
食落冇一般大多數合桃包嘅豬油味，而合桃就幾脆口又好有佢本身獨特嘅味道
買俾屋企人食嘅，健康選擇☺️
琥珀合桃
$12
13 瀏覽
0 讚好
0 留言
-
麵包款式多元化，無論懷舊定新𩓙啲都有，老少咸宜
加上佢哋用靚材料同麵粉，整出嚟嘅麵包特別煙靭有咬口🥯欣賞店主會不斷創新，研發新口味款式麵包，追上「潮流」
店主服務亦好好，推介我試新鮮蛋撻🙈又唔介意我慢慢揀
見到員工起廚房不斷製作麵包，一盤盤圓轆轆脹卜卜嘅麵團等住入焗爐，就咁睇都覺得吸引
佢哋嘅千層生吐司要預早落訂，唔可以Walk in買，因為每日製造數目有限，所以想食就記得落訂啦！
麵包價錢相當實惠，傳統款式價錢會平啲啲 (~$8)，其他就多數~$15
唯一係包裝冇咁好，蛋撻要買六個先有免費盒，如果唔係要俾$2，成程拎返屋企都好驚壓扁佢😰不斷「保護」住佢哋
佢哋仲同樂餉社合作，希望可以減少食物浪費，將剩餘嘅麵包捐贈俾有需要嘅人，非常有良心🥹
希望更加多人會認識佢哋，支持同幫襯呢間小店啦🫶🏻
張貼
