影片
更多
2009-04-12
10 瀏覽
11-4-2009由「大西北」折返市區, dinner 決定到荃灣搞掂, 拉了朋友0黎到自己期待已久的呢間越南餐廳 (點解: http://forum.openrice.com/forum/viewthread.php?tid=1124&extra=page%3D3), 0黎到門口已超興奮! 先0黎朋友的椰青, 清甜度 ok, 但完全唔凍的, 個人而言接受唔到. 小食係「黑芝麻炸蝦卷」, 即春卷皮混入黑芝麻粒, 捲入海蝦拎去炸, 可用生菜包住 and/or 蘸酸甜雞醬食 -- 食了幾件連蝦尾的, 炸得脆口無油, 可以食埋蝦殼! 海蝦肉亦鮮味結實爽口, 再包生菜及甜多過酸的泰式雞醬, 正! 唯一要彈的就係 d 生菜, 唔係塊塊都完全新鮮, 感覺一般.主食揀了期待已久的 (無辣版)「越南檬要」-- 0係其他地方食過蕃茄及蝦醬煮成的「檬饒」湯底, 呢度仲多了蟹的鮮甜, 先飲到蕃茄的酸甜, 再嗒到海鮮獨特的濃甜及蝦醬香, 勁正! 又因為 d 湯太正, 檬粉索晒 d 湯, 又係勁正 配料有爆晒羔的原隻 (奄仔?) 蟹,「溶」晒的蕃茄, 通菜, 炸過的蒜粒, 大量蔥花, 洋蔥及鵝蒂
由「大西北」折返市區, dinner 決定到荃灣搞掂, 拉了朋友0黎到自己期待已久的呢間越南餐廳 (點解: http://forum.openrice.com/forum/viewthread.php?tid=1124&extra=page%3D3), 0黎到門口已超興奮!
先0黎朋友的椰青, 清甜度 ok, 但完全唔凍的, 個人而言接受唔到.
小食係「黑芝麻炸蝦卷」, 即春卷皮混入黑芝麻粒, 捲入海蝦拎去炸, 可用生菜包住 and/or 蘸酸甜雞醬食 -- 食了幾件連蝦尾的, 炸得脆口無油, 可以食埋蝦殼! 海蝦肉亦鮮味結實爽口, 再包生菜及甜多過酸的泰式雞醬, 正! 唯一要彈的就係 d 生菜, 唔係塊塊都完全新鮮, 感覺一般.
主食揀了期待已久的 (無辣版)「越南檬要」-- 0係其他地方食過蕃茄及蝦醬煮成的「檬饒」湯底, 呢度仲多了蟹的鮮甜, 先飲到蕃茄的酸甜, 再嗒到海鮮獨特的濃甜及蝦醬香, 勁正! 又因為 d 湯太正, 檬粉索晒 d 湯, 又係勁正 配料有爆晒羔的原隻 (奄仔?) 蟹,「溶」晒的蕃茄, 通菜, 炸過的蒜粒, 大量蔥花, 洋蔥及鵝蒂, 十分豐富. 十分好食的一碗檬要 / 檬饒, 極力推介!
朋友獨食的「澱粉質主食」就係「馬拉盞豬頸肉海鮮炒飯」, 賣相極靚, 特別係面頭兩隻大蝦 朋友評語係「無你個檬粉咁濃味, 但炒得好香」, 但又好客氣地將兩隻大蝦請了我食, 哈哈. 不過呢碟飯份量實在勁大, 朋友食唔夠一半已投降兼要打包了.
唔知係咪見我0地拎住大細相機不斷餵餵餵, 老闆娘 offer 請我0地食 $1 燒魷魚, 條件係報上名來及留低手機號碼收宣傳 sms, 一場0黎到即管又試試 -- 即叫即燒, 軟熟彈牙, 鮮甜又帶點辣, 再蘸少少魚露, 又幾好食.
食物好掂, 招呼亦好, 老闆娘好客又帶點「豪邁」, 哈哈; 不過 4 人卡位都幾窄, 2 人坐 ok, 4 人就有 d 難度了.
連加一每人約 $100, 好食又食得飽飽, 食得好開心的一餐飯!
張貼
