影片
更多
2013-07-10
6808 瀏覽
想搵一個清靜又唔貴既開餐地方既中環人有福了！雖然一早已經聽過佢既大名，但係之前比佢既「會員制」嚇怕，以為呢度只係招呼達官貴人用膳既私竇。今日訂枱先至知原來餐廳喺訂枱方面唔係咁嚴緊，只要講得出會員「陳先生」、「黃經理」等等generic既名字就已經OK，非常user friendly！不過，由於餐廳採用會員制既關係，所以一律只接受訂枱，沒有booking 既walk-in客係絕對入唔到去架！餐廳位於皇后大道中近中環中心一棟較為殘舊既商業大廈，從行人天橋行過去唔駛十分鐘就到，非常就腳。裏面地方唔算太大，不過五臟俱全。除左一般梳化等等既私人會所必備之外，重有電視機不斷播緊24小時新聞台，咁樣財經人就絕對唔駛擔心miss 左任何重要消息啦，非常睇貼！坐低冇耐，侍應首先奉上熱茶，然後細心地問我地今日想食乜。由於例湯同埋甜品已經set好晒既關係，每個人只係需要喺menu裏面5選一，選擇要乜野餸/主菜就可以。花生眉豆雞腳煲豬骨湯︰第一啖入口已經感覺到老火湯火喉十足，落足心機一朝早預備材料去煲，唔係普通貨式。花生同眉豆煲得好腍好易入口之餘，雞腳同豬骨既味道亦都因為煲既時間夠足而滲晒入湯裏面。雖然係咁，
餐廳位於皇后大道中近中環中心一棟較為殘舊既商業大廈，從行人天橋行過去唔駛十分鐘就到，非常就腳。裏面地方唔算太大，不過五臟俱全。除左一般梳化等等既私人會所必備之外，重有電視機不斷播緊24小時新聞台，咁樣財經人就絕對唔駛擔心miss 左任何重要消息啦，非常睇貼！坐低冇耐，侍應首先奉上熱茶，然後細心地問我地今日想食乜。由於例湯同埋甜品已經set好晒既關係，每個人只係需要喺menu裏面5選一，選擇要乜野餸/主菜就可以。
花生眉豆雞腳煲豬骨湯︰第一啖入口已經感覺到老火湯火喉十足，落足心機一朝早預備材料去煲，唔係普通貨式。花生同眉豆煲得好腍好易入口之餘，雞腳同豬骨既味道亦都因為煲既時間夠足而滲晒入湯裏面。雖然係咁，佢地既肉質同埋纖維都重能夠維持到，以致食湯渣既時候都重有唔錯既口感。由於冇落到味精既關係，飲完之後唔單止無口渴既感覺，重可以刺激我既味蕾，令到胃口大增添！
薯仔炆排骨︰ 薯仔同排骨都炆得非常之腍，個汁撈埋洋葱、冬菇同埋紹菜等等既配料之後非常入味，用黎撈飯一流！至於主角排骨，雖然骨既比例比想像中多，但係肉質一流，一啖就可以「骨肉分棄」，完全唔會有街邊茶記果重「咬極都咬唔開」既恐怖經驗！
香煎芙蓉蛋︰唔好睇呢味餸好似好簡單，原來內有乾坤！煎蛋表面煎得火路十足卻唔會過火之餘，蛋裏面既料亦都好足，魚肉、蔬菜等等材料全部有齊。另外，火腿既鹹味同芙蓉蛋既化學作用好奇妙咁帶出一個好特別既感覺，一口咬落去唔單止食到鹹味之餘重有少少蛋既香味，正呀！
冰糖木瓜雪耳︰一食就食得出係家庭式製作，雖然非常落足心機但係冰糖方面稍為重手左，有D過甜。雪耳方面，一般般OK啦，都係D大路野。唯一要讚既係木瓜，煮得好腍，超級易入口之餘卻唔會腍到求其一pat野咁，抵讚！以超低成本黎講，能夠有咁既質素絕對唔係一般人可以做到！
絕對推介此地比各位一試，以$70但唔駛加一，重要又湯又餸又白飯重要送埋甜品黎講真係抵到爛。雖然環境方面絕對唔可以用好cosy黎形容，但係呢度舒舒服服既環境絕對係同朋友casual食飯相聚既好地方！
張貼
